Ermənistan ABŞ-dan 11 milyon dollar dəyərində V-BAT tipli pilotsuz uçuş aparatları (kəşfiyyat dron texnologiyası) alacaq.

Bu barədə fevralın 9-da, İrəvanda Ermənistanın Baş naziri Nikol Paşinyan və ABŞ-ın vitse-prezidenti Cey Di Vensin birgə mətbuat konfransında məlumat verilib.

“Baş nazirlə birlikdə bir neçə dəqiqə əvvəl Ermənistan üçün satacağımız dronların bəzi yeni texnologiyalarını görmək məni çox sevindirdi. Prezident

Tramp çox yaxşı bilir ki, sülhü təmin etməyin ən yaxşı yolu real çəkindiricilik yaratmaqdır, real çəkindiriciliyin ən yaxşı yolu isə dünyada ən yaxşı hərbi texnologiyaya sahib olmaqdır və ABŞ buna malikdir. İlk dəfə olaraq, 11 milyon dollar dəyərində kəşfiyyat dron texnologiyasının Ermənistana – yaxşı dostumuz və baş nazirimiz üçün böyük hərbi texnologiya satışını elan edirik.
O, bu texnologiyanı ölkəsinin təhlükəsizliyini təmin etmək və yaratdığımız sülhün qorunmasına əmin olmaq üçün istifadə edəcək. Bu, ABŞ üçün daha çox iş yeri və müdafiə texnologiyaları sektoruna daha çox investisiya deməkdir”, – deyə Cey Di Vens bildirib.

ABŞ-dan dronların alınması barədə Nikol Paşinyan da danışıb. Onun sözlərinə görə, bu addım Ermənistan ilə ABŞ arasında hərbi və müdafiə sahəsində tərəfdaşlığın inkişafında mühüm irəliləyişdir.

“Təhlükəsizlik sahəsində uzunmüddətli ikitərəfli əməkdaşlığın və üç il ardıcıl keçirilən ‘Eagle Partner’ hərbi təlimlərinin davamı olaraq Ermənistan ABŞ-dan V-BAT tipli pilotsuz uçuş aparatları əldə edib. Onların effektivliyi zəngin istifadə təcrübəsi ilə təsdiqlənib və bu aparatların ölkəmizin müdafiə qabiliyyətinin gücləndirilməsinə mühüm töhfə verəcəyinə inanırıq. Ümid edirəm ki, ABŞ-ın Foreign Military Sales proqramı çərçivəsində həyata keçirilən bu müqavilə əməkdaşlığın daha da genişlənməsi üçün əsas olacaq”, – deyə Paşinyan bildirib.

Bundan əlavə, Paşinyan və Vens nüvə enerjisinin dinc məqsədlərlə istifadəsinə dair saziş də imzalayıblar.

“Bu saziş Ermənistan ilə ABŞ arasında enerji sahəsində tərəfdaşlığın dərinləşdirilməsi baxımından yeni mərhələ açacaq və təhlükəsiz, innovativ texnologiyaların tətbiqi yolu ilə Ermənistanın enerji təhlükəsizliyinin şaxələndirilməsinə kömək edəcək. Mən həmçinin ABŞ-ın nüvə təhlükəsizliyi sahəsində Ermənistana göstərdiyi uzunmüddətli dəstəyə görə minnətdarlığımı bildirdim və hər iki ölkə üçün strateji əhəmiyyət daşıyan sahələrdə əməkdaşlığın inkişafına hazır olduğumuzu vurğuladım”, – deyə Paşinyan əlavə edib.

Eyni zamanda, Cey Di Vens mülki nüvə energetikası sahəsində 9 milyard dollara qədər investisiya imkanından danışıb.

“Bu saziş tam təsdiqləndikdən sonra amerikalı və erməni şirkətləri arasında mülki nüvə layihələri üzrə müqavilələrin bağlanmasına yol açacaq. Bu, ilkin mərhələdə ABŞ-dan 5 milyard dollara qədər ixrac, həmçinin yanacaq və texniki xidmət müqavilələri formasında əlavə 4 milyard dollarlıq uzunmüddətli dəstək deməkdir. Bu, klassik qarşılıqlı faydalı əməkdaşlıq nümunəsidir.
Bu, mənim ölkəm üçün daha etibarlı enerji təhlükəsizliyi, eyni zamanda Ermənistan üçün də daha güclü enerji təhlükəsizliyi deməkdir. Bundan əlavə, ABŞ-da çoxlu yeni iş yerləri yaradılacaq. Söhbət kiçik modul reaktorlardan gedir. Amerika texnologiyaları bu ölkəyə daxil olacaq. Bir daha vurğulayıram ki, bu, bu səviyyədə investisiya qoymağa kifayət qədər güvəndiyimiz azsaylı ölkələrdən biridir. Bütün bunlar baş nazirin liderliyi sayəsində mümkün olur”, – deyə Cey Di Vens qeyd edib.

ABŞ-ın vitse-prezidentinin Cənubi Qafqaza səfəri bu gün başlayıb. O, Ermənistana həyat yoldaşı və uşaqları ilə birlikdə gəlib. Səfər çərçivəsində Nikol Paşinyan və Cey Di Vens arasında həm təkbətək, həm də geniş tərkibdə görüşlər keçirilib. Cey Di Vens Ermənistandan sonra bu gün Azərbaycana səfər edəcək, lakin Gürcüstana gəlməyəcək.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.