“Gürcü Arzusu” hökumətində baş nazir İrakli Kobaxidze bəyan edib ki, Kulevi limanının mümkün sanksiyaya məruz qalması məsələsi ilə

bağlı hökumət Avropa İttifaqına terminalın fəaliyyəti haqqında tam məlumat təqdim etmək üçün tam açıqdır. Bununla yanaşı, İrakli Kobaxidze qeyd edib ki, Gürcüstan beynəlxalq sanksiyaların tələblərinə tam riayət edir.

“Gürcüstan sanksiya rejimi ilə bağlı bütün qaydalara çox ciddi şəkildə əməl

edir. Konkret məsələlərə gəldikdə isə, biz müzakirələrə və məlumat mübadiləsinə, o cümlədən Avropa İttifaqı ilə əməkdaşlığa hazırıq.
Bizim üçün Kulevi strateji əhəmiyyətə malik limandır. Tam açıq mövqe nümayiş etdiririk və Avropa İttifaqına bütün məlumatları təqdim edəcəyik. Biz sanksiya rejiminə tam əməl edirik”, – deyə İrakli Kobaxidze jurnalistlərin sualını cavablandırarkən bildirib.

9 fevral tarixində “Azadlıq Radiosu” Avropa İttifaqının sanksiyaların 20-ci paketinin layihəsində Rusiyadan və “üçüncü ölkələrə” dörd konkret terminal vasitəsilə (o cümlədən Kulevi terminalı vasitəsilə) neft tədarükü məsələsinin nəzərdən keçirildiyi barədə məlumat yayıb.

2025-ci ilin sonunda Rusiyadan xam neftin Kulevi neft terminalına tədarükü aktivləşib və həmin neft Kulevidə yerləşən yeni neft emalı zavodunun terminalına daşınıb. O zaman Reuters yazırdı ki, Gürcüstandakı neft emalı zavodu fəaliyyətinə Rusiyanın “Rusneft” şirkətinin xam nefti ilə başlayıb.

“Azadlıq Radiosu”nun məlumatına görə, sənəddə sanksiyaların tətbiqi zərurəti belə əsaslandırılır:
“[Kulevi limanı] Rusiyada istehsal olunan və ya Rusiya gəmiləri vasitəsilə ixrac edilən xam neftin və ya neft məhsullarının dəniz yolu ilə daşınması üçün istifadə olunur və bu daşımalar nizamsız və yüksək riskli nəqliyyat praktikaları ilə həyata keçirilir.”

Məlumat üçün qeyd edək ki, Kulevi Azad İqtisadi Zonasında “Black Sea Petroleum” şirkətinə məxsus neft emalı zavodunun tikintisinə 2024-cü ilin sonunda başlanılıb. Zavod tam dövriyyəli emal müəssisəsi kimi fəaliyyət göstərəcək və tikinti başa çatdıqdan sonra Avro-5 standartına uyğun benzin və dizel istehsal edəcək. Birinci mərhələnin tamamlanmasından sonra zavodun illik emal gücü 1,2 milyon ton xam neft olacaq, gələcəkdə isə bu göstəricinin 4 milyon tona çatdırılması planlaşdırılır. Layihənin ümumi büdcəsi 600 milyon ABŞ dollarıdır.

Zavodun maliyyələşdirilməsi ilkin olaraq 50 milyon ABŞ dolları məbləğində sindikatlaşdırılmış kreditlə başlayıb. Bu kreditdə kommersiya bankları – “Cartu Bank”, “Halyk Bank” və “Basisbank” 45 milyon dollar, “Gürcüstanın İnkişaf Fondu” isə 8,2 milyon dollar məbləğində iştirak edib.

“Black Sea Petroleum” şirkəti 2022-ci ilin oktyabr ayında yaradılıb. Şirkətin 70 faizlik payı iş adamı Maka Asatianiyə, 30 faizlik payı isə “TRADE STONE IBERIA” MMC-yə məxsusdur. “TRADE STONE IBERIA” şirkətində də 70 faiz pay Maka Asatianiyə, 30 faiz pay isə Sofio Tavartkiladzeyə aiddir.

Mənbə: BusinessMedia

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.