Avropa Komissiyası Avropa İttifaqının tarixində viza siyasəti üzrə ilk strategiyanı təsdiqləyib.

Bu strategiya Şengen zonasına girişə nəzarətin sərtləşdirilməsini nəzərdə tutur.

34travel-in məlumatına görə, hazırlanmış strategiyaya əsasən, bu il vizasız rejimin yenilənməsi planlaşdırılır ki, ondan kimin istifadə edə biləcəyi daha diqqətlə qiymətləndirilsin. Sənədə əsasən, həmçinin vizasız girişi olan ölkələrə münasibətdə bu rejimin sui-istifadəsinin qarşısını almaq məqsədilə nəzarət gücləndiriləcək.

Viza məhdudiyyətləri təhlükəsizlik və miqrantların geri qaytarılması məsələlərində Aİ ilə əməkdaşlıq etməyən ölkələrə qarşı təsir alətinə çevriləcək. Zərurət yarandıqda, Aİ-nin təhlükəsizliyinə risk yaradan ölkələrin vətəndaşları üçün viza verilməsi məhdudlaşdırıla və ya dayandırıla bilər.

Turizm sektorunun nümayəndələri hesab edirlər ki, müəyyən tənzimləmələr Gürcüstan vətəndaşlarına da şamil oluna bilər.

Turizm sahəsində çalışanların peşəkar ittifaqının sədri Qiorgi Tetradzenin məlumatına görə, böyük ehtimalla vizasız rejimin tam ləğvindən söhbət getmir.

“Gürcüstan vətəndaşları üçün daha çox nəzarət və ya əlavə tənzimləmələr tətbiq oluna bilər. Əvvəlcədən qeydiyyat və bildiriş göndərmək məcburi ola bilər, lakin düşünmürəm ki, vizasız gediş-gəliş tamamilə ləğv ediləcək. Məncə, sadəcə müəyyən sərtləşdirmələr olacaq.

Ayrı-ayrı məhdudiyyətlər mümkündür. Məsələn, Şengen ölkələrinə səfər tarixçəsi daha diqqətlə yoxlanıla bilər. Həmçinin, konkret ölkəyə səfər edəcəyiniz barədə əvvəlcədən bildiriş təqdim etmək və hətta mehmanxana bronu göstərmək tələb oluna bilər. Bu, əvvəllər bir çox ölkələrdə, o cümlədən BƏƏ-də olduğu kimi, elektron ərizə formasında ola bilər və avtomatik olaraq müsbət və ya mənfi cavab verilə bilər.

Düşünmürəm ki, hansısa köklü dəyişiklik olsun və xüsusilə də vətəndaşlarımız üçün vizasız rejim ləğv edilsin. Lakin həmin dövrdə siyasi vəziyyətin necə olacağını qabaqcadan demək çətindir”, – deyə Qiorqi Tetradze bildirib.

Gedən turizm assosiasiyasının rəhbəri Mamuka Kelauridzenin sözlərinə görə isə, bu sənəd Aİ-də giriş-çıxışın idarə olunması üzrə yeni rəqəmsal sistemin (EES) gücləndirilməsi prosesinin bir hissəsidir.

Onun sözlərinə görə, hazırda bu sistem bütün hava limanlarında eyni effektivliklə tətbiq olunmur.

“Birinci mərhələ artıq başlayıb – hava limanlarında barmaq izi götürülür, göz skan edilir və s. Giriş qaydaları artıq qüvvədədir. Lakin bəzi hava limanlarında sistem normal işləyir, bəzilərində isə hələ də problemlər var. Böyük hava limanlarında tətbiq edilib, kiçiklərdə isə tam oturuşmayıb. Birinci mərhələ tam təkmilləşdirilmədən ikinci mərhələyə keçmək çətin olacaq. İkinci mərhələ isə əvvəlcədən qeydiyyatın və onlayn vizaya bənzər formatın tətbiqini nəzərdə tutur”, – deyə Mamuka Kelauridze qeyd edib.

Məlumat üçün bildirək ki, Aİ-də giriş-çıxışın idarə olunması üzrə yeni rəqəmsal sistemin (EES) birinci mərhələsi 12 oktyabrdan başlayıb. Yeni qaydalara əsasən, pasportlara əl ilə ştamp vurulması praktikası ləğv olunur. Sistem mərhələli şəkildə tətbiq edilir və Aİ-yə üzv bütün ölkələrin beynəlxalq hava limanlarında qüvvəyə minməlidir.

Yenilik iki mərhələdən ibarətdir. İkinci mərhələdə ETIAS sisteminin tətbiqi planlaşdırılır. Bu, Avropa ölkələrinə səfərlə bağlı məlumatlandırma və səyahətə icazə (avtorizasiya) sistemidir. Econsul-un məlumatına görə, 2026-cı ilin sonundan etibarən Avropanın 30 ölkəsinə səfər üçün 1,4 milyard insanın səyahət avtorizasiyasına ehtiyacı olacaq. Bu avtorizasiya 60-dan çox ölkənin, o cümlədən Gürcüstan vətəndaşları üçün də məcburi olacaq.

Mənbə: BPN

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.