Avropa İttifaqı əvvəllər qəbul edilmiş yeni mexanizm çərçivəsində Gürcüstanın diplomatik və xidməti pasport sahibləri üçün vizasız gediş-gəlişin dayandırılmasını nəzərdə tutan qərarı təsdiqləyib.

Gözlənildiyi kimi, təklif Macarıstan və Slovakiya tərəfindən dəstəklənməyib, lakin bu, yekun qərara təsir göstərməyib. Qərar mart ayının əvvəlindən qüvvəyə minəcək.

2025-ci ilin dekabr ayının sonunda Avropa İttifaqının yenilənmiş vizasız rejimin dayandırılması mexanizmi qüvvəyə minib. Həmin vaxt bildirilmişdi ki, Brüsselin və digər Avropa paytaxtlarının hakim partiyanın siyasətinə artan tənqidi fonunda yeni mexanizm böyük ehtimalla Gürcüstana da şamil olunacaq.

Qərar Avropa İttifaqının bütün üzv dövlətləri üçün məcburidir. Brüsseldə bundan əvvəl qəbul edilmiş qərara baxmayaraq, diplomatik və xidməti pasport sahibləri, o cümlədən “Gürcü Arzusu” hökumətinin üzvləri Avropa İttifaqının bəzi ölkələrinə, o cümlədən Macarıstana vizasız səfər edə bilirdilər.

Avropa İttifaqı dəfələrlə bəyan edib ki, diplomatik pasport sahibləri üçün vizasız rejimin ləğvindən sonra Gürcüstan hakimiyyətinin siyasəti dəyişməzsə, tədbirlər bütün əhaliyə şamil oluna bilər.

• Bu, hakimiyyət “problemləri həll etməzsə” – yəni Brüsseldən dəfələrlə verilmiş tövsiyələri yerinə yetirməzsə baş verə bilər.
• Hələlik Avropa Komissiyası konkret tarixlər açıqlamır.

Tbilisi Avropa İttifaqının irəli sürdüyü tövsiyələrin, o cümlədən mübahisəli qanunların ləğvinin yerinə yetirilməsindən imtina edir. Gürcüstanın Baş naziri İrakli Kobaxidze bildirib ki, Avropa İttifaqı ilə vizasız rejimin mümkün dayandırılması ölkə üçün “ekzistensial məsələ” deyil və o, “sülhə və sabitliyə üstünlük verərdi”.

Avropa Şurası 2024-cü il 16 dekabr tarixli iclasında Gürcüstanın diplomatik və xidməti pasportları üçün vizasız rejimin dayandırılması barədə qərar qəbul edib.

Gürcüstanda diplomatik pasportlar ölkənin ali vəzifəli şəxslərinə, o cümlədən prezidentə, baş nazirə və Parlament sədrinə (və onların həyat yoldaşlarına), nazirlərə və onların müavinlərinə, parlament üzvlərinə, katolikos-patriarxa və digər şəxslərə verilir.

Xidməti pasportlar isə təsdiqlənmiş kvotalara uyğun olaraq nazirlik və agentliklərin bir sıra vəzifəli şəxslərinə, hüquq-mühafizə orqanlarının, məhkəmə və prokurorluq əməkdaşlarına, həmçinin diplomatik missiyaların inzibati-texniki heyətinə və digər dövlət qulluqçularına verilir.

Mənbə: radiotavisupleba.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.