11 fevral gecə saatlarında Tbilisi teleqülləsi İran İslam Respublikasının bayrağının rənglərində işıqlandırılıb.

11 fevral tarixində İran 1979-cu il İslam İnqilabının 47-ci ildönümünü qeyd edir. Teleqüllənin işıqlandırılması da məhz bu tarixlə əlaqələndirilir.

 

Tbilisi meriyasında “Azadlıq Radiosu”na təsdiqləyiblər ki, teleqüllə İran səfirliyinin müraciəti əsasında işıqlandırılıb və bu, “İranın milli bayramı ilə bağlıdır”.

Gürcüstandakı İran səfiri Seyyed Əli Mojani bildirib ki, teleqüllənin İran bayrağının rənglərində işıqlandırılması “İran və Gürcüstan arasında mövcud olan tarixi əlaqələrə və iki xalq arasındakı yaxşı münasibətlərə əsaslanır”.

“Bu, bugünkü İranın hörmətinin rəsmi və beynəlxalq səviyyədə tanındığının aydın simvoludur”, – deyə o, X platformasında yazıb.

Səfirin məlumatına görə, həmin gün – 11 fevralda – Gürcüstanın xarici işlər nazirinin müavini Laşa Darsalia “İran İslam Respublikasının Milli Gününə həsr olunmuş mərasimdə” iştirak edib.

Mojaninin sözlərinə görə, Darsaliya “İranı bu münasibətlə rəsmi şəkildə təbrik edib və bu tarixi İranın tarixi yolunun, milli kimliyinin və inkişafının simvolu adlandırıb”.

Səfir həmçinin bildirib ki, ötən həftə ABŞ-da işgüzar səfərdə olan Darsalia tədbirdə vurğulayıb:

• “iki xalq arasında iqtisadi, mədəni, elmi və təhsil sahələrində sıx əlaqələr mövcuddur”;
• “İran və Gürcüstan arasında bu xalq əlaqələri davamlı əməkdaşlığın əsasını və dayaq nöqtəsini təşkil edir”.

Darsalia, həmçinin, İranın “Gürcüstana verdiyi dəstəyə görə” təşəkkür edib və xatırladıb ki, İran Gürcüstanın müstəqilliyini tanıyan ilk ölkələrdən biri olub.

Tbilisi meriyasının mətbuat mərkəzindən “Azadlıq Radiosu”na bildirilib ki, səfirliklərin müraciətlərinin nəzərə alınması təcrübəsi illərdir mövcuddur:

“İllərdir belə bir praktika var ki, Gürcüstanda akkreditə olunmuş diplomatik korpusun nümayəndələri müraciət etdikdə, biz teleqülləni müvafiq ölkənin bayrağının rənglərində işıqlandırırıq”.

“Bu baxımdan, əvvəlki illərdə olduğu kimi, bu il də teleqüllə İran bayrağının rənglərində işıqlandırılıb”, – deyə meriyada bildiriblər.

Açıq mənbələrdə əvvəlki illərdə Tbilisi teleqülləsinin İran rənglərində işıqlandırılmasını əks etdirən foto və ya məlumatlara rast gəlinmir.

6–13 fevral tarixlərində İran nümayəndəlikləri “İslam İnqilabının qələbəsi və İslam Respublikasının qurulması” günlərini qeyd edirlər.

12 fevralda İranın Gürcüstandakı səfirliyi paylaşım edərək bildirib ki, “Tbilisidəki İran səfirliyi də bu günü qeyd etməyə hazırlaşır və bu, görüşlər, dialoqlar və xaricdə İran kimliyinin ifadəsi üçün gözəl imkan yaradır”.

Nümayişçilərin öldürülməsi

Bu il İranda bu günün qeyd olunması xüsusi əhəmiyyət daşıyır, çünki ölkədə genişmiqyaslı etiraz aksiyalarından sonraya təsadüf edir. Səfirin şərhlərindən də göründüyü kimi, İran hakimiyyəti bu gündən legitimliyini nümayiş etdirmək məqsədilə istifadə edir.

Bir neçə həftə əvvəl, 2026-cı ilin yanvarında, İranda keçirilən etiraz aksiyaları zamanı hakimiyyət nümayəndələri minlərlə insanı qətlə yetirib. Hüquq-müdafiə təşkilatı HRANA-nın məlumatına görə:

• 6 961 nəfərin ölümü təsdiqlənib;
• daha 11 630 hadisə araşdırılır;
• 11 mindən çox insan yaralanıb;
• 51 mindən çox şəxs saxlanılıb, onların arasında 112 tələbə var.

Digər mənbələr fərqli rəqəmlər göstərsə də, bütün məlumatlarda minlərlə qurbanın olduğu bildirilir.

Hazırda İranda tanınmış fəalların və sənət adamlarının həbsi davam edir.

6 fevralda ABŞ prezidenti Donald Tramp sərəncam imzalayıb. Sərəncama əsasən, ABŞ İranla ticarət əlaqələri olan ölkələrdən idxala əlavə tariflər tətbiq etməyi planlaşdırır.

Mənbə: radiotavisupleba.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.