Milli Qida Agentliyinin Acarıstan Departamentinin müfəttişləri dövlət nəzarəti çərçivəsində müxtəlif profilli 7 qeydə alınmamış obyekt aşkar ediblər.

Agentliyin məlumatına görə, sözügedən obyektlər agentlik tərəfindən verilmiş tanınma sənədi və iqtisadi fəaliyyətlər reyestrində qeydiyyat olmadan fəaliyyət göstəriblər.

Konkret olaraq, fiziki şəxs F.T. (ünvan: Xelvaçauri, Maxo kəndi) – quş kəsim məntəqəsində kritik uyğunsuzluqlar aşkarlanıb; quşlar baytarlıq nəzarəti olmadan kəsilib, şübhəli mənşəyə malik quş əti möhürlənib.

• Fiziki şəxs D.A. (ünvan: Xelvaçauri, Panaskerteli-Tsitsişvili küçəsi №29) – quş kəsim məntəqəsində kritik uyğunsuzluqlar aşkarlanıb.
• Fiziki şəxs D.M. (ünvan: Batumi, Daud Asambadze küçəsi 3a) – heyvan kəsim məntəqəsində kritik uyğunsuzluqlar, həmçinin sağlamlıq nişanı olmayan ət aşkarlanıb və möhürlənib.
• “Bakuri” MMC (ünvan: Batumi, Severian Acareli küçəsi №4, aqrar bazar) – toyuq satış sahəsində kritik uyğunsuzluqlar aşkarlanıb. Biznes operatoru sanitar-gigiyenik normaları kobud şəkildə pozaraq, quş ətini birbaşa kəsim yerində satıb.
• Fiziki şəxs N.S. (ünvan: Kobuleti, Azadlıq küçəsi №17) – obyektdə kritik uyğunsuzluqlar aşkarlanıb, sağlamlıq nişanı olmayan
  
  şübhəli mənşəli ət möhürlənib.
• Fərdi sahibkar İ.K. (ünvan: Kobuleti, Rustaveli küçəsi №168) – iqtisadi fəaliyyətin qeydiyyatı və tanınması olmadan fəaliyyət göstərib; ət məhsulları istehsalı müəssisəsində kritik uyğunsuzluqlar aşkarlanıb.
• Fiziki şəxs M.Q. (ünvan: Batumi şəhəri, Barxani qəsəbəsi, Tsabadze küçəsi №5) – qeyri-qanuni heyvan kəsim məntəqəsində müxtəlif uyğunsuzluqlar aşkarlanıb, baytarlıq nəzarəti olmadan əldə edilmiş ət möhürlənib.

Agentliyin bildirdiyinə görə, dövlət nəzarəti nəticəsində aşkar olunan pozuntularla bağlı qanunvericiliyə uyğun tədbirlər görülüb. Biznes operatorları cərimələnib, uyğunsuzluqlar tam aradan qaldırılanadək onların istehsal fəaliyyəti dayandırılıb.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.