İsrailin Gürcüstandakı səfirliyi Tbilisidə İran İslam İnqilabının ildönümünə həsr olunmuş tədbirdə hökumət nümayəndələrinin iştirakına və

Mtatsminda televiziya qülləsinin İran bayrağının rəngləri ilə işıqlandırılmasına görə Gürcüstan hökumətini tənqid edib.

“İranın qatil və terroru dəstəkləyən rejimi öz şəhərlərinin küçələrində minlərlə insanı öldürərkən, öz vətəndaşlarını sıxışdırarkən və həm regionda, həm də bütün dünyada terror fəaliyyətində aktiv şəkildə iştirak edərkən,

Tbilisidə həmin rejimlə birlikdə İran İslam İnqilabının ildönümünü Mtatsminda qülləsini İran bayrağının rəngləri ilə işıqlandırmaqla qeyd etməyə qərar verdilər.
Bu region üçün, dünya üçün və uzun illərdir azadlıq və demokratiya uğrunda mübarizə aparan İran vətəndaşları üçün hansı mesajdır?”, – deyə İsrail səfirliyinin bəyanatında bildirilir.

11 fevralda, İran İslam İnqilabının qələbə günü ilə əlaqədar olaraq, Tbilisi qülləsi İran bayrağının rənglərində işıqlandırılıb. Bundan başqa, Bidzina İvanişvilinin “Paragraph” otelində İran İslam Respublikasının milli gününə (inqilabın ildönümünə) həsr olunmuş qəbul təşkil edilib və tədbirdə “Gürcü Arzusu”nun xarici işlər nazirinin müavini Laşa Darsalia çıxış edib.

Laşa Darsalianın çıxışı Gürcüstandakı İran səfiri tərəfindən yayılıb.

“Bu ölkəyə İran İslam Respublikasının milli bayramını Gürcüstan hökuməti adından təbrik etmək mənim üçün böyük şərəfdir.
Milli bayram hər bir ölkə üçün xüsusi əhəmiyyət daşıyır və həmin dövlətin tarixi yolunu, inkişafını və milli kimliyini əks etdirir.
İqtisadi, mədəni, təhsil, elm və digər sahələrdə xalqlar arasında illər ərzində formalaşmış sıx əlaqələr iki ölkə arasında əməkdaşlığın əsasını təşkil edir.
Biz bu illər ərzində Gürcüstana göstərdiyi qətiyyətli dəstəyə görə İrana yüksək qiymət veririk. İran İslam Respublikası Gürcüstanın müstəqilliyini tanıyan ilk ölkələrdən biri olub və buna görə biz İran dövlətinə minnətdarıq.
Gürcüstan hökuməti regionda pozitiv gündəliyin irəli aparılması üçün İran İslam Respublikası ilə əməkdaşlığı davam etdirməyə hazırdır”, — deyə Laşa Darsalia bildirib.

O, Seyyed Əli Modjaninin Gürcüstanda fövqəladə və səlahiyyətli səfir kimi təyin olunmasını təbrik edib və İran xalqına “sülh, sabitlik və rifah” arzulayıb.

 

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.