Baş naziri İrakli Kobaxidze Ayətullah Əli Xameneinin oğlu Müctəba Xameneini İranın yeni Ali Rəhbəri seçilməsi münasibətilə təbrik edib. Təbrik məktubu Gürcüstan hökuməti administrasiyasının rəsmi saytında dərc olunub.

"Gürcüstan hökuməti adından sizi İran İslam Respublikasının Ali Rəhbəri seçilməyiniz münasibətilə təbrik edirəm. Gürcüstan iki ölkə və xalq arasında qarşılıqlı hörmətə əsaslanan tərəfdaşlıq münasibətlərinə böyük əhəmiyyət verir. İran xalqına sülh

və rifah arzulayıram", - deyə İrakli Kobaxidzenin məktubunda qeyd olunub.

Məlumat üçün bildirək ki, mediada yayılan xəbərlərə görə, martın 4-də 88 nəfərdən ibarət "Ekspertlər Şurası" (İran vətəndaşları tərəfindən 8 ildən bir seçilən orqan) Müctəba Xameneini İranın yeni Ali Rəhbəri seçib. Bu qərar fevralın 28-də, ABŞ və İsrailin birgə hərbi əməliyyatının başladığı gün sabiq Ali Rəhbər Ayətullah Əli Xameneinin həlak olmasından sonra qəbul edilib.

Müctəba Xamenei kimdir?

Kölgədəki nüfuz: 55 yaşlı Müctəba Xamenei İranın idarəetmə sistemində ən nüfuzlu fiqurlardan biri hesab olunur. Cəmiyyət arasına nadir hallarda çıxmasına və heç vaxt rəsmi siyasi vəzifə tutmamasına baxmayaraq, o, illərlə atası Əli Xameneinin administrasiyasında mühüm rol oynayıb – güc mərkəzləri arasında vasitəçi olub.

Hərbi əlaqələr: 1980-ci illərdə, İran-İraq müharibəsi zamanı o, "Həbib batalyonu"nda xidmət edib. Analitiklərin fikrincə, məhz bu dövrdə onun İslam İnqilabı Keşikçiləri Korpusu (SEPAH) və yüksək rütbəli təhlükəsizlik rəsmiləri ilə sıx əlaqələri formalaşıb ki, bu da onun nüfuzunu daha da gücləndirib.

Müxalifətin ittihamları: Siyasi opponentlər və hüquq müdafiəçiləri tez-tez Müctəba Xameneini seçki proseslərinə müdaxilə etməkdə və fərqli düşüncəyə qarşı yönəlmiş repressiv siyasəti koordinasiya etməkdə günahlandırırlar. Lakin bu ittihamlar rəsmi olaraq təsdiqini tapmayıb.