Gürcüstanın torpaq resursları haqqında məlumatlar artıq ictimaiyyət üçün əlçatan olub.

Bu barədə Torpağın Dayanıqlı İdarə Edilməsi və Torpaqdan İstifadənin Monitorinqi üzrə Milli Agentliyin dərc etdiyi məlumatda bildirilir.

Məlumata əsasən, məlumatların analizi və vizuallaşdırılması platforması olan "Power BI" ilə Gürcüstanın torpaq fondu haqqında geoməkan məlumatlarının inteqrasiyası sayəsində torpaq resursları barədə analitik məlumatları interaktiv rejimdə əldə etmək mümkün olub. Microsoft şirkəti tərəfindən yaradılan Power BI biznes-analitika platformasının əsas məqsədi müxtəlif mənbələrdən daxil olan məlumatların toplanması, emalı, analizi və vizual şəkildə təqdim edilməsidir.

"Məlumatlar həm kənd təsərrüfatı, həm də qeyri-kənd təsərrüfatı təyinatlı torpaqların sahələri və regionlar üzrə bölgüsü haqqında informasiyanı əhatə edir. Platforma istifadəçilərə yenilənən məlumatları vahid məkanda həm statik cədvəllər, həm də interaktiv qrafiklər, diaqramlar və müqayisəli analiz formasında əldə etmək imkanı verir.

Statistik məlumatlar Avropa İttifaqı tərəfindən hazırlanmış və Avropada torpaqdan istifadə məlumatlarının vahid standartla qeydiyyatı və müqayisəsi üçün geniş istifadə olunan CORINE Land Cover (Torpaq Örtüyünün Təsnifatçısı) sisteminə əsaslanır. Bu təsnifatçı Gürcüstanın məlumatlarını beynəlxalq datalarla uyğunlaşdırır", – deyə məlumatda qeyd olunur.

Agentliyin bildirdiyinə görə, torpaq resurslarının analizinə asan çıxış imkanı dövlət qurumlarına, biznes sektoruna və investorlara qərarların qəbulu və layihələrin planlaşdırılmasında kömək edəcək. Həmçinin tələbələr, tədqiqatçılar və media nümayəndələri üçün informasiyanın əldə olunmasını asanlaşdıracaq.

Mənbə: BPN

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.