International Society for Fair Elections and Democracy (ISFED – “Ədalətli Seçkilər”) təşkilatının məlumatına görə, hökumətyönlü TV Imedi və POSTV Böyük Britaniya tərəfindən sanksiyaların tətbiqindən sonra Meta Platformsın sosial şəbəkə platformalarında öz məzmunlarını reklam etməkdə məhdudiyyətlərlə üzləşiblər. Buna cavab olaraq isə hər iki televiziya şirkəti “Facebook”da yeni səhifələr açmağa və məzmunlarını həmin səhifələr vasitəsilə reklam etməyə çalışır.

Təşkilat bildirir ki, bu media qurumlarına məxsus əsas Facebook səhifələrində reklamların yerləşdirilməsi 25 fevral tarixində dayandırılıb. Hər iki halda (10.03.2026 tarixli məlumatlara görə) reklam kitabxanasında qeyd olunur ki, təşkilatların reklam yerləşdirmə imkanları Metanın standartlarının pozulması səbəbindən məhdudlaşdırılıb.



ISFED-in məlumatına görə, sanksiyalardan sonra mart ayında POSTV iki, “İmedi” isə bir yeni Facebook səhifəsi yaradıb.

“Ədalətli Seçkilər” təşkilatı POSTV-yə məxsus iki yeni səhifə aşkar edib. Bu səhifələr sanksiyalar tətbiq edildikdən sonra mart ayında yaradılıb və Facebook-da reklamlar yerləşdirib. Səhifələr 4 mart tarixində siyasi reklam yerləşdirmək hüququ əldə edib və bütün reklamlar növbəti iki gün ərzində dərc olunub. Qeyd olunur ki, hər iki səhifənin reklam kitabxanasında göstərilən qeydində (yəni “disclaimer” hissəsində) eyni əlaqə məlumatları yer alıb.

Sponsorlu paylaşımlar vasitəsilə POSTV Ukrayna hakimiyyətini nüfuzdan salmaq kampaniyasını davam etdirib. Bununla yanaşı, sanksiyaya məruz qalan media Gürcüstanda fəaliyyət göstərən müstəqil onlayn media təşkilatlarına qarşı da material hazırlayıb və onları xarici qüvvələrin tapşırıqlarını yerinə yetirən qurumlar kimi təqdim edib.

Hazırda POSTV-nin yeni səhifələrinin heç biri artıq tapılmır. Onlar yalnız bir neçə gün aktiv olub və səhifələrin silinməsinin səbəbi məlum deyil.

POSTV kimi, auditoriya cəlb etmək üçün Facebook reklamlarından istifadə imkanlarını “İmedi” də araşdırır. Onun əsas səhifələrində reklamların dayandırılmasından sonra 3 mart tarixində “İmedinin tərəfdarları” adlı Facebook səhifəsi yaradılıb. Səhifə 5 mart tarixində Meta platformasında reklam yerləşdirmək imkanını əldə edib və həmin gün bir videonu sponsorlu şəkildə yayımlayıb.

Qeyd olunur ki, “İmedinin tərəfdarları” adı ilə eyni adlı məhdud məsuliyyətli cəmiyyət 25 fevral tarixində dövlət reyestrində qeydiyyatdan keçib. Şirkətin 100% pay sahibi və direktoru Nika Kldiaşvilidir. O, televiziya kanalının sosial media istiqamətinə rəhbərlik edir.

“Ədalətli Seçkilər” bildirir ki, təbliğat xarakterli bu media qurumları Facebookda Gürcüstan üzrə reklam yerləşdirən ən iri platformalardan biri olub.

ISFED-in məlumatına görə, son göstəricilərə əsasən, 2026-cı ilin fevral ayında “İmedi” və POSTV öz səhifələrində bir aydan az müddətdə təxminən 38 min ABŞ dolları dəyərində minə yaxın reklam yayımlayıb. Metanın reklam kitabxanasının məlumatlarına görə isə 2020-ci ilin avqustundan 2026-cı il 25 fevral tarixinədək olan dövrdə bu iki televiziya şirkəti müxtəlif səhifələr vasitəsilə Meta reklamlarına ümumilikdə ən azı 786 305 ABŞ dolları xərcləyib. Bu göstərici Gürcüstan mediası üçün rekord hesab olunur.

Böyük Britaniya təbliğat xarakterli TV Imedi və POSTV televiziya kanallarına sanksiyalar tətbiq edib. Britaniya bildirir ki, hər iki televiziya kanalı Rusiya dezinformasiyasının yayılmasında iştirak edir.

Sanksiyalara əsasən, hər iki televiziya kanalına aşağıdakı məhdudiyyətlər tətbiq olunur:

• aktivlərin dondurulması;
• etibarnamə (trust) xidmətlərinin göstərilməsinə qadağa;
• direktor vəzifəsini tutmağa qadağa.
• Televiziya kanallarına qarşı sanksiyalar praktikada belə işləyəcək:
• Britaniya şirkətlərinə (məsələn, reklam agentliklərinə və ya texniki avadanlıq təchizatçılarına) bu kanallarla əməkdaşlıq etmək qadağan olunacaq;
• siyahıya düşən televiziya rəhbərlərinin beynəlxalq biznes fəaliyyəti məhdudlaşdırılacaq. Lakin hazırda sanksiya siyahısında konkret şəxslər göstərilməyib;
• Britaniya bank sistemindən keçən hər hansı maliyyə əməliyyatı dondurula bilər.

Mənbə: Publika

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.