İran xüsusi xidmət orqanlarının xeyrinə casusluq etməkdə ittiham olunaraq Yunanıstanda saxlanılan Gürcüstan vətəndaşı, 35 yaşlı Samir Q. Qardabani rayonunun sakinidir – bu barədə Studio Monitor yazır.

Araşdırmaçı jurnalistlər Samir Q.-nin anası ilə Qardabanidə söhbət ediblər. O bildirib ki, onun oğlu “casus deyil”.

“Monitor”un məlumatına görə, onun illər ərzində İranla əlaqələri olub. Xüsusilə:

İranla əlaqələr

• İttiham
  
  olunan şəxs Marneulidəki şiə mədrəsələrindən birində təhsil alıb;
• Daha sonra iki il ərzində dini təhsilini İranın Qum şəhərində davam etdirib;
• “Bir neçə il əvvəl o, Gürcüstanda İran vətəndaşı ilə birlikdə biznes də qurmuşdu – Qardabani və Tbilisidə İrandan gətirilən duzu satırdı;
• O, ailəsi ilə birlikdə Avropada sığınacaq almağa da cəhd edib, lakin Belçikada məskunlaşmaq cəhdi dörd nəfərlik ailənin deportasiyası ilə nəticələnib”, – deyə Studio Monitor yazır.

“Kritdə dondurma yaxşıdır”
Nəşr həmçinin yunan mediasına istinad edir. Onların məlumatına görə, Samir Q. kirayə götürdüyü villada fars dilində danışır və hər söhbətə ehtimal ki, kod ifadəsi olan belə bir cümlə ilə başlayırdı: “Kritdə dondurma yaxşıdır.”

Saxlanılan şəxsin anası isə bildirir ki, oğlu yük maşını sürücüsüdür və bu dəfə Avropaya iş tapmaq məqsədilə, həm də atasını ziyarət etmək və istirahət etmək üçün gedib.

Kritdə saxlanılma
Yunanıstanın hüquq-mühafizə orqanları 2 mart tarixində Gürcüstan vətəndaşı olan 36 yaşlı kişini saxlayıblar. O, İran İslam Respublikasının xeyrinə Krit adasında yerləşən dəniz bazasında casusluqda şübhəli bilinir.

Bu baza Aralıq dənizində NATO-nun strateji obyektlərindən biridir. Söhbət Krit adasının yaxınlığında, Suda körfəzində yerləşən hərbi-dəniz bazasından gedir.

Krit dəniz bazası – Yunanıstanda adlandırıldığı kimi, Suda dəniz bazası – Aralıq dənizində NATO-nun ən böyük bazasıdır. O, Aralıq dənizinin şərq hissəsində yerləşir və təkcə Yunanıstan üçün deyil, həm də NATO və ABŞ üçün strateji əhəmiyyət daşıyır.

Dəniz bazaları ilə bağlı casusluq ittihamı ilə ötən ilin mayında da Yunanıstanda Gürcüstanla əlaqəsi olan iki nəfər saxlanılmışdı.

Həmin dövrdə Yunanıstanda casusluq ittihamı ilə Azərbaycan vətəndaşı da saxlanılmışdı. İstintaq hazırkı saxlanılma hadisəsinin həmin insidentlə əlaqəli olub-olmadığını da araşdırır.

Amerikanın Hudson Institute analitik mərkəzinin mart ayının əvvəlində dərc etdiyi yeni araşdırmaya görə, İran İslam Respublikası Gürcüstanda öz təsirini və “təsir infrastrukturu”nu “planlı və təşkilatlanmış şəkildə” genişləndirir.

Araşdırmada qeyd olunur ki, İranın diqqəti xüsusilə Kvemo Kartli bölgəsində yaşayan etnik azərbaycanlı şiə əhaliyə yönəlib.

Nəşrin sualına cavab olaraq – Kritdə saxlanılan şəxslə bağlı araşdırma aparılıb-aparılmadığı barədə – Gürcüstanın Dövlət Təhlükəsizlik Xidməti belə cavab verib:
“ Siz kəşfiyyat məlumatı tələb edirsiniz ki, bu da ciddi deyil. Eyni dərəcədə qeyri-ciddi olan sual isə Yunanıstan hüquq-mühafizə orqanlarının icraatında olan cinayət işinin bizim tərəfimizdən araşdırılıb-araşdırılmadığı barədədir.”

Mənbə: radiotavisupleba.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.