Daxili İşlər Nazirliyi və Dövlət Təhlükəsizliyi Xidmətinin əməkdaşları tərəfindən Acarıstanda həyata keçirilən operativ-axtarış və istintaq tədbirləri nəticəsində ötən gecə ərzində “qanuni oğru aləmi” ilə əlaqədə olan 72 nəfər saxlanılıb.

Daha 5 nəfərə isə ittiham irəli sürülüb. Onlardan bir qismi cəzaçəkmə müəssisəsində, bir qismi isə qiyabi qaydada, o cümlədən “qanuni oğru” statusu daşıyan şəxsə qarşıdır.

Saxlanılan şəxslər “qanuni oğru aləminin üzvlüyü”, “bu fəaliyyətə dəstək vermə”, “qanunsuz yığıncaqlarda iştirak”, “qanuni oğruya müraciət etmə” və “qanuni oğru fəaliyyəti” kimi maddələrlə ittiham olunurlar.

İstintaqla müəyyən edilib ki, təqsirləndirilən şəxslər “oğru razborkaları” təşkil edir, qeyri-rəsmi qərarlar qəbul edirdilər. Onlar bu məqsədlə kriminal aləmin nümayəndələri, o cümlədən “qanuni oğru” Aslan Kobuladze ilə əlaqə saxlayır, şəxsi maraqları naminə vətəndaşlar arasında maliyyə və digər mübahisələr üzrə qərarlar verirdilər.

İstintaqın məlumatına görə, bu qərarlar əsasında tərəflərdən pul tələb olunur, ödəniş gecikdirildikdə isə onlara fiziki zorakılıq və həyatlarına təhlükə ilə hədələr edilirdi.

Fakt üzrə istintaq Gürcüstan Cinayət Məcəlləsinin 223-cü prima, 223-cü tertsia, 223-cü sekunda və 223-cü kvarta maddələri ilə aparılır. Həmin maddələr 15 ilədək azadlıqdan məhrumetmə cəzasını nəzərdə tutur.

Daxili İşlər Nazirliyindən bildirilib ki, təşkilatlanmış cinayətkarlıqla, o cümlədən “qanuni oğru aləmi” ilə mübarizə əsas prioritetlərdən biridir və bu istiqamətdə sərt və prinsipial siyasət davam etdiriləcək.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.