İranın sərt xətt tərəfdarı olan İslam İnqilabı Keşikçiləri Korpusu (SEPAH) aprelin 9-da Hörmüz boğazından keçən gəmilər üçün alternativ marşrutlar müəyyən etdiyini açıqlayıb. Korpus boğazdakı əsas zonada dəniz minaları riskinin olduğunu bildirib.

"Hörmüz boğazından keçmək niyyətində olan bütün gəmilərə bildirilir ki, dəniz təhlükəsizliyi prinsiplərinə riayət etmək və mümkün mina toqquşmalarından qorunmaq üçün... onlar boğazda hərəkət üçün alternativ marşrutlardan

istifadə etməlidirlər", – dövlət mediasının yaydığı bəyanatda SEPAH bildirib. Bəyanatda alternativ giriş və çıxış yolları ilə bağlı təlimatlar da verilib.

Vaşinqton və Tehran mümkün sülh razılaşması üçün əlavə danışıqlar aparmaq məqsədilə iki həftəlik atəşkəs əldə ediblər.

ABŞ administrasiyasının əsas tələblərindən biri boğazda gəmilərin hərəkət azadlığıdır. İran isə müharibə başlayandan bu yolu, əsasən, bağlamışdı. Tehran bildirib ki, gəmilərin hərəkətinə yenidən icazə verəcək, ancaq gəmilər İran hərbçiləri ilə koordinasiya etməlidir.

Dünya üzrə xam neft və təbii qazın 20 faizi bu boğazdan keçən gəmilərlə vasitəsilə daşınır.


"Qəbuledilməzdir"
Yunanıstanın baş naziri isə İranın müharibədən sonra Hörmüz boğazından keçən gəmilərdən ödəniş almaq cəhdlərini tənqid edib. Kiriakos Mitsotakis deyib ki, dünya üçün bu kritik su yolunda azad və təhlükəsiz gəmiçilik təmin olunmalıdır.

"Beynəlxalq ictimaiyyətin İranın boğazdan keçən hər gəmi üçün rüsum qoymasını qəbul edəcəyini düşünmürəm. Bu, mənə görə tamamilə qəbuledilməzdir", – o aprelin 8-də CNN-ə deyib.

Mitsotakis vurğulayıb ki, boğazla bağlı beynəlxalq razılaşma lazım ola bilər, lakin buraya ödənişlər daxil olmamalıdır: "Belə bir şey baş versə, bu, naviqasiya azadlığı üçün çox, çox təhlükəli presedent yaradacaq".

Yunanıstan dünyanın ən böyük ticarət donanmalarından birinə malikdir.

Almaniya da Hörmüzdən keçid üçün rüsum tətbiqini "qəbuledilməz" adlandırıb. Xarici İşlər Nazirliyinin sözçüsü deyib ki, bu boğaz yalnız İran sularında yerləşmir, BMT-nin Dəniz Hüququ Konvensiyası ilə tənzimlənir.

Mənbə: Azadlıq Radiosu

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.