ABŞ ordusu bugündən, aprelin 13-dən İran limanlarında bütün gəmilərə blokada tətbiq edəcəyini bildirib. Bu qərardan bir neçə saat öncə ABŞ-İran sülh danışıqları uğursuzluqla bitib.

"The Wall Street Journal" rəsmi şəxslərə və mövzudan agah mənbələrə istinadla xəbər verib ki, ABŞ prezidenti Donald Tramp və onun müşavirləri sülh danışıqlarını dalandan çıxarmaq üçün İrana məhdud hərbi zərbələrin bərpasını da nəzərdən keçirirlər.

İran limanlarına gedən gəmilərin hərəkəti dayandırılacaq
Yaxın Şərqdəki ABŞ qüvvələrinə cavabdeh ABŞ Mərkəzi Komandanlığı (CENTCOM) aprelin 12-də bildirib ki, İran limanlarına və sahil zonalarına daxil olan və ya çıxan bütün ölkələrin gəmilərinə "qərəzsiz" blokada tətbiq olunacaq. Söhbət Fars və Oman körfəzlərindən gedir.

Komandanlıq onu da bildirib ki, Hörmüz boğazından qeyri-İran limanlarına yönələn gəmilərin hərəkətinə mane olmayacaq.

CENTCOM qeyd edib ki, blokada başlamazdan əvvəl kommersiya gəmilərinə rəsmi bildirişlər göndəriləcək.

Tramp da İran limanlarının blokadaya salınacağını təsdiqləyib. O, blokadanın ABŞ şərq vaxtı ilə səhər 10-dan başlayacağını bildirib.

Tramp isə bu bəyanatdan öncə daha genişmiqyaslı blokadanın tətbiq olunacağını demişdi. Onun sözlərinə görə, ABŞ Hərbi Dəniz Qüvvələri Hörmüz boğazından istənilən bütün gəmilərin hərəkətini "dərhal" dayandırmağa başlayacaq. Prezident bu açıqlamanı aprelin 12-si səhər saatlarında İslamabadda ABŞ-İran danışıqlarının iflasından sonra vermişdi.

Hörmüz boğazı
CENTCOM blokadanın detallarını açıqlamayıb. Bunun üçün neçə ABŞ gəmisindən istifadə olunacağı bilinmir. İndilik anlaşılan odur ki, məhdudiyyət yalnız İranla əlaqəli gəmilərə tətbiq ediləcək.

İranla atəşkəs qüvvədə qalır
İran isə Hörmüz boğazından keçən bütün gəmilərin hərəkətini faktiki dayandırıb. Bu, qlobal enerji qiymətlərinin kəskin artmasına səbəb olub. Tehran bildirib ki, bu su yolundan keçmək istəyən gəmilərdən rüsum toplayacaq.

Tramp aprelin 12-si axşam jurnalistlərə bildirib ki, İranla atəşkəs qüvvədə qalır. O deyib ki, Tehran böyük ehtimalla danışıqlara qayıdacaq: "Düşünürəm ki, İran çox pis vəziyyətdədir. Fikrimcə ki, onlar çox ümidsizdirlər. İran nüvə silahı əldə etməyəcək".

"Onların qayıdıb-qayıtmaması vecimə deyil. Qayıtmasalar da, problem deyil", – prezident əlavə edib.

Mənbə: Azadlıq Radiosu

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.