İsrailin martda Tehran ətrafındakı neft anbarlarına endirdiyi hava zərbələri mülki əhaliyə uzunmüddətli ciddi zərər vurmuş ola, hərbi cinayət sayıla bilər. Bunu "Human Rights Watch" (HRW) insan haqları təşkilatı bildirir.

Martın 7-də İsrail Tehranda dörd neft anbarını hədəf alıb. İran rəsmiləri ertəsi gün bildirib ki, "neft məhsullarının saxlanması və paylanması üçün istifadə olunan dörd obyekt, həmçinin neft məhsullarının

daşınması mərkəzi… düşmən təyyarələrinin hücumuna məruz qalıb".

Elə həmin gün İsrail Müdafiə Qüvvələri Tehranda İslam İnqilabı Keşikçiləri Korpusuna (SEPAH) məxsus bir neçə yanacaq saxlama kompleksinə zərbə endirdiyini açıqlayıb.

HRW bu hücumların İranda yaşayan insanlar üçün uzunmüddətli ağır fəsadlara yol aça biləcəyini vurğulayır. "Bu zərbələr ətraf mühitə və insanların sağlamlığına uzun illər ərzində dağıdıcı təsir göstərə bilər. Bu isə böyük ehtimalla hərbi cinayət deməkdir", – qurumun tədqiqatçısı Bahar Saba yazıb.

"Görünən odur ki, İsrail qüvvələri gözlənən uzunmüddətli zərərləri nəzərə almayıb… və buna görə hüquqi məsuliyyətə cəlb olunmalıdırlar", – o əlavə edib.

İsrailin cavabı
HRW martın 26-da İsrail və İran rəsmilərinə izahat üçün müraciət edib. İrandan cavab gəlməyib. İsrail rəsmiləri isə cavab olaraq bildiriblər ki, zərbələr "fərqləndirmə, proporsionallıq və ehtiyat tədbirləri prinsiplərinə uyğun şəkildə həyata keçirilib".

Cavabda o da deyilir ki, hədəf alınan obyektlərdən "rejimin silahlı qüvvələrinin bölmələrinə, o cümlədən aviasiya, pilotsuz uçuş aparatları və dəniz qüvvələrinə birbaşa yanacaq təminatı üçün istifadə edilib".

HRW bildirir ki, neft anbarlarının mülki məqsədlər üçün istifadə olunduğunu təsdiqləsə də, onların eyni zamanda hərbi məqsədlərə xidmət edib-etmədiyini müəyyənləşdirə bilməyib. Məlumatlı bir mənbənin quruma dediyinə görə, "anbarlarda yalnız benzin və dizel olub… onlardan aviasiya, pilotsuz aparat və ya dəniz qüvvələrinin ehtiyacları üçün istifadə edilməyib".

Hüquq müdafiə təşkilatı belə nəticəyə gəlib ki, ətraf mühitə və sağlamlığa proqnozlaşdırıla bilən zərər nəzərə alındıqda, bu hücumlar beynəlxalq humanitar hüquq baxımından ciddi narahatlıq doğurur, hərbi cinayət kimi qiymətləndirilə bilər.

Mənbə: Azadlıq Radiosu

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.