Bu gün, aprelin 14-də İsrail və Livan təmsilçiləri Vaşinqtonda görüşəcəklər. Görüş Yaxın Şərq böhranının kritik dönəmində keçirilir. Bir həftə öncə ABŞ, İsrail və İran arasında kövrək atəşkəs qüvvəyə minib.

Görüşdə ABŞ-nin dövlət katibi Marko Rubio, İsrailin ABŞ-dəki səfiri Yexiel Leyter və Livanın ABŞ-dəki səfiri Nada Həmədə-Muavad iştirak edəcək.

1948-ci ildə İsrail yaradılandan bu iki ölkə texniki müharibə vəziyyətində olub, bu, onların nadir görüşlərindən biridir.

"Hizbullah" qruplaşmasının etirazlarına baxmayaraq, Livan hökuməti İsraillə danışıqlara çağırıb.

"Hizbullah" martın 2-də Tehrana dəstək məqsədilə İsrailə atəş açıb. İsrailin bundan sonra başlatdığı hücumda azı 2 min nəfər öldürülüb, 1.2 milyon insan evindən didərgin düşüb, - Livan rəsmiləri belə deyir.

"Hizbullah"ın hücumları isə 13 israillin əsgərin və iki dinc sakinin ölümünə səbəb olub.

Livan dövləti 2024-cü ildə "Hizbullah" ilə İsrail arasında müharibədən sonra bu qruplaşmanı dinc yolla silahsızlaşdırmağa çalışır. Lakin bunu zorla etmək ölkədə yeni qarşıdurmaya səbəb ola bilər. Livan 1975-1990-cı illər vətəndaş müharibəsindən sonra xeyli zəifləyib. 2008-ci ildə Qərbin dəstəklədiyi hökumətin "Hizbullah"a qarşı addımları qısa vətəndaş müharibəsi ilə sonuclanıb.

ABŞ və İsrail "Hizbullah"ı terror təşkilatı kimi tanıyır.

Mənbə: Azadlıq Radiosu

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415