İstehlakçıların hüquqlarının qorunması və mümkün maliyyə fırıldaqlarının qarşısının alınması məqsədilə Gürcüstanın Milli Bankı ödəniş xidmətləri ilə bağlı tələbləri sərtləşdirir.

Qurumun yaydığı məlumata görə, dəyişikliklər müştərinin güclü autentifikasiyası və maliyyə təşkilatlarının xidmət göstərərkən istehlakçı hüquqlarının qorunması qaydalarına aiddir. Yeni qaydalar xüsusilə 60 yaşdan yuxarı şəxslərin fırıldaqçılıq sxemlərindən qorunmasını daha effektiv etməyi hədəfləyir.

Milli Bankın məlumatına əsasən, yenilənmiş tənzimləmələr beynəlxalq təcrübəyə əsaslanır və ödəniş xidməti göstərən qurumları 60 yaşdan yuxarı müştərilərin hesablarından aparılan bəzi əməliyyatlar üzrə risklərin daha yüksək standartlarla idarə olunmasına məcbur edir.

Hansı əməliyyatlar riskli hesab olunacaq?

• Yeni qaydalara görə, aşağıdakı hallarda köçürmələr riskli və ya şübhəli əməliyyat kimi qiymətləndirilə bilər:
• ödəniş məbləği 500 laridən çox olduqda və əməliyyat yüksək fırıldaq riski olan sahələrlə bağlıdırsa;
• bu sahələrə onlayn “forex” ticarəti, investisiya platformaları, qumar biznesi və virtual aktivlərlə bağlı fəaliyyət daxildir;
• müştərinin əvvəlki davranışına uyğun olmayan qeyri-adi xərcləmə və ya əməliyyat davranışı aşkar edilərsə.

Banklar nə edəcək?

• Belə əməliyyat aşkar edilərsə, ödəniş xidməti provayderi:
• tranzaksiyanı müvəqqəti dayandırmalı və ya mümkün deyilsə icra etməkdən imtina etməlidir;
• müştəri ilə əlaqə saxlayaraq onu məlumatlandırmalıdır, beləliklə, fırıldaqçıların manipulyasiyası ilə əməliyyat aparılması riski azalacaq.

Bundan əlavə, müştəri şübhəli və ya riskli əməliyyatı başladıqdan sonra 48 saat ərzində son qərarını verə və bunu xidmət provayderinə təsdiqləyə biləcək.

Qeyd olunur ki, Milli Bankın hazırladığı bu yeni qaydalar ilk mərhələdə sentyabr ayından qüvvəyə minəcək və yalnız kart əməliyyatlarına şamil ediləcək.

Milli Bank bildirir ki, xüsusilə pensiya yaşına yaxın vətəndaşların hüquqlarının qorunması qurum üçün prioritet istiqamətlərdən biridir və maliyyə sektorunda təhlükəsizliyin, sabitliyin və şəffaflığın artırılması istiqamətində işlər davam etdiriləcək.

Mənbə: BPN

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.