Daxili İşlər Nazirliyinin Mərkəzi Krimnal Polis Departamenti və Maliyyə Nazirliyinin Gəlirlər Xidmətinin Gömrük Departamentinin əməkdaşları tərəfindən keçirilmiş istintaq tədbirləri nəticəsində növbəti beynəlxalq narkotrafik faktı aşkar edilib.

Hüquq-mühafizə orqanları tərəfindən külli miqdarda — 103 kiloqrama yaxın “metamfetamin” narkotik vasitəsi müsadirə olunub ki, bunun da qara bazarda təxmini dəyəri 30 milyon lari təşkil edir. Külli miqdarda narkotik vasitənin qanunsuz satınalınması, saxlanılması və Gürcüstana qanunsuz gətirilməsi faktı ilə bağlı bir nəfər saxlanılıb.

"İstintaqla müəyyən edilib ki, şirkətlərdən birinə məxsus olan və kaustik soda ilə yüklənmiş yük avtomobili Gürcüstana qonşu ölkədən daxil olub və üçüncü ölkəyə keçməli idi", — deyə DİN-in bəyanatında bildirilir.

Hüquq-mühafizə orqanları yükə ətraflı baxış keçirən zaman torbalara paylanılmış külli miqdarda narkotik vasitə aşkar ediblər.

Hazırda bu işdə əli olan digər şəxslərin müəyyən edilməsi və onların cinayət məsuliyyətinə cəlb olunması məqsədilə intensiv rejimdə kompleks tədbirlər davam etdirilir.

Faktla bağlı Gürcüstan Cinayət Məcəlləsinin 260-cı və 262-ci maddələri ilə istintaq aparılır. Bu maddələr cəza növü olaraq 20 ilə qədər və ya ömürlük azadlıqdan məhrumetməni nəzərdə tutur. Daxili İşlər Nazirliyinin bəyanatına görə, narkotik cinayətlərinə qarşı mübarizə qurumun əsas prioritetlərindən biri olaraq qalır.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.