Xüsusi Tapşırıqlar Departamentinin sabiq rəhbəri Zviad Xarazişvili (Xareba) ehtimal edir ki, Zviad Maisaşvili, Levan Xabeişvili və Quram Roqavaya qarşı zorakılıq işi üzrə saxlanılan xüsusi təyinatlılar “içəridən satılıblar”. Xareba bu barədə TV Pirveliyə müsahibəsində danışıb.

“O ki, var, içəridən satılıblar. Belə satqınlar və o cür adamlar heç vaxt tükənmir. [Daxildənmi satdılar bu uşaqları?] Yəqin ki, indi kiminsə özünün

yerini isti saxlaması üçün başqa birinin qurban verilməsi lazım idi, hansısa namərd belə bir şey edib. Axı o uşaqların nə günahı var idi?”, – deyə o bildirib.

Jurnalistin “saxlanılanlar arasında sizin keçmiş müavininiz Mirza Kezevadze də var?” sualına Xarazişvili “bilmirəm” cavabını verib.

O israr edib ki, aksiyanın iştirakçılarına qarşı zorakılıq əmrini nə özü verib, nə də kimdənsə alıb.

“[Mirza Kezevadzeni saxlayıblarmı?] Bilmirəm, əlaqəm yoxdur və maraqlanmıram da, mənə bu mövzuda sual verməyin. Mən 18 il xüsusi təyinatlı döyüş bölüyünün komandiri olmuşam, hansısa nazirdən və ya rəhbərdən mənə heç vaxt belə əmrlər verilməyib ki, gedin kimisə öldürün və ya döyün. Yaxşı bilirsiniz, neçə nazir və neçə hökumət dəyişdi. Bu gün də belə bir əməliyyat olmayıb.

Cinayət olub? Qanun pozuntusu olub? Hazıram, şəxsən hər şeyə görə cavab verim. Mən belə göstəriş verməmişəm ki, yıxılmış halda olan birinə zərbə endirilsin və yaxud başqa mənfi hərəkətlər edilsin. Mənə də heç kim belə bir şey tapşırmayıb. Bu sualları eşitmək xoş deyil, amma deyəcək başqa sözüm yoxdur — heç bir əmr olmayıb”, – o deyib.

Sualda “saxlanılanların identifikasiyası baş veribmi?” deyiləndə Xarazişvili belə cavab verib ki, onların ekipirovkası hamıya açıq görünürdü.

“Identifikasiya olub, hə? Bilmirəm. Maska taxmış insan… Yaxşı görürdünüz ki, insanlar öz forma və avadanlığı ilə necə gizlənmişdilər.

…Mənim cavabım hamıya eynidir — həm öz uşaqlarımın qarşısında, həm də vətənimin qarşısında. Mən vətənimi o qədər sevirəm ki, güllədən qorxmuram və məni qorxutmaqla heç kim nəyəsə nail ola bilməz. Lazım gəlsə, gedib özüm oturaram, əgər bunu vətənim tələb edirsə və bu uşaqları rahat buraxacaqlarsa.

[Siz də istintaqa çağırılmışdınız?] Bu sizin işiniz deyil. Çağırsalar, getməyə problemim yoxdur. Mən heç nə pis etməmişəm, həmin uşaqlar da heç nə etməyiblər. Bunu hamı çox yaxşı bilir”, – deyə o əlavə edib.

Mənbə: Publika

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.