“Beynəlxalq Şəffaflıq – Gürcüstan” (TI) hesab edir ki, hüquq-mühafizə orqanlarının koordinasiyası məsələləri üzrə dövlət naziri vəzifəsi qanunçuluq prinsipinə uyğun deyil və “mahiyyətcə hakimiyyət bölgüsünün konstitusion prinsipinə ziddir”.

Təşkilatın analizinə görə, Mamuka Mdinaradzenin yeni vəzifəsi səlahiyyətlərin təhlükəli dərəcədə mərkəzləşməsi riskini yaradır və məhkəmə hakimiyyəti, prokurorluq və Dövlət Audit Xidmətinin müstəqilliyi ilə bağlı ciddi suallar doğurur.

Qanuna əsasən:

• hökumətin
  
  tərkibində hüquq-mühafizə orqanlarının koordinasiyası məsələləri üzrə dövlət naziri fəaliyyət göstərəcək;
• onun maddi-texniki və təşkilati təminatını Gürcüstan hökumətinin administrasiyası həyata keçirəcək;
• səlahiyyətlərini isə Gürcüstan hökuməti müəyyən edəcək.

Hökumətin qərarına görə, yeni post aşağıdakı məqsədlərlə yaradılıb:

• hüquq-mühafizə orqanları arasında əməkdaşlığın gücləndirilməsi;
• birgə əməliyyatların planlaşdırılmasına dəstək;
• məlumat mübadiləsi standartlarının tətbiqi;
• fəaliyyət effektivliyinin qiymətləndirilməsi və problemli sahələrin müəyyən edilməsi;
• konstitusion səlahiyyətlər çərçivəsində hökumətin prokurorluq, Dövlət Audit Xidməti və məhkəmə hakimiyyəti ilə koordinasiyası/kommunikasiyası.

TI bildirir ki, Gürcüstanda cinayətkarlıqla mübarizə sahəsində hüquq-mühafizə orqanlarını koordinasiya edən qurum artıq mövcuddur – Gürcüstan Prokurorluğu. Yeni yaradılan dövlət qurumu isə qismən prokurorluğun funksiyalarını təkrarlayır.

Buna görə də TI hesab edir ki, mövcud normativ aktların iyerarxiyasına əsasən, bu dəyişikliklər “adi qanunlardan daha yüksək hüquqi qüvvəyə malik olan orqanik qanunun müddəaları ilə ziddiyyət təşkil edir”.

Təşkilat izah edir ki, yeni dövlət qurumunun koordinasiya etməli olduğu strukturların hər birinin mövcud qanunvericilikdə öz ayrıca funksiyası var:

• Daxili İşlər Nazirliyi: cinayət və digər hüquq pozuntuları ilə bağlı təhlükələrin profilaktikası, qarşısının alınması, aşkar edilməsi, istintaqın aparılması, ictimai asayişin qorunması və s.
• Dövlət Təhlükəsizliyi Xidməti: konstitusion quruluşun, suverenliyin, ərazi bütövlüyünün, hərbi potensialın xarici xüsusi xidmət orqanlarının fəaliyyətindən qorunması və digər təhlükəsizlik vəzifələri.
• Prokurorluq: cinayət təqibinin həyata keçirilməsi, istintaq orqanlarının fəaliyyətinə prosessual rəhbərlik, dövlət ittihamının müdafiəsi və s.

TI vurğulayır ki, yeni yaradılan dövlət qurumu bu üç institutun səlahiyyətlərinə müdaxilə edən və onları siyasi icra hakimiyyəti ilə əlaqələndirən funksiyaları yerinə yetirəcək və bu, müstəqil qolların icra hakimiyyətinə tabe edilməsi riskini yaradır.

Təşkilatın yekun rəyi belədir:

• yeni vəzifə Gürcüstanın konstitusion hakimiyyət bölgüsünün pozulmasına, səlahiyyətlərin bir mərkəzdə toplanmasına, həmçinin hüquq-mühafizə və məhkəmə orqanlarının siyasi təsir altına düşməsi riskinə gətirib çıxarır;
• bu dəyişikliklər hüquqi baxımdan ziddiyyətlidir, funksional baxımdan isə lazımsız və paralel strukturdur.

Mənbə: Publika

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.