2026-cı ilin ilk rübündə Gürcüstan büdcəsinə gəlir vergisi daxilolmaları artıb. Xəzinədarlığın məlumatına görə, hesabat dövründə gəlir vergisi üzrə daxilolmalar 2 118 327 lari təşkil edib ki, bu da proqnozlaşdırılan göstəricidən (2 030 000 lari) 104,4% çoxdur.

Ötən ilin eyni dövrü ilə müqayisədə büdcədə toplanan gəlir vergisində 13%-lik artım qeydə alınıb. Belə ki, 2025-ci ilin yanvar-mart aylarında büdcəyə gəlir vergisi hesabına 1 873 477 lari daxil olmuşdu.

Gəlir vergisi nədir?
Gəlir vergisi fiziki şəxslərin müxtəlif növ gəlirlərdən dövlətə ödədiyi vergidir.

Bu növ verginin ödəyicisi həm rezident, həm də Gürcüstandakı mənbədən gəlir əldə edən qeyri-rezident fiziki şəxs ola bilər.

Praktikada, xüsusilə əməkhaqqı hallarında, verginin ödənilməsi əsasən işəgötürən tərəfindən həyata keçirilir ki, bu da maaş alan şəxslər üçün prosesi sadələşdirir.

Gəlir vergisinin dərəcəsi necədir?
Gürcüstanda gəlir vergisinin maksimal dərəcəsi 20% təşkil edir və müxtəlif gəlir növlərinə fərqli qaydada tətbiq olunur.

Məsələn, əməkhaqqı gəlirləri üçün maksimal 20%-lik vergi dərəcəsi tətbiq edilir; yaşayış evinin icarəyə verilməsindən əldə olunan gəlirlər 5% ilə vergiyə cəlb olunur; qumar oyunları ilə bağlı fəaliyyətlərdən əldə edilən gəlirlər isə 5%-dən 20%-dək vergiyə cəlb edilir.

Bəzi istisnalar da mövcuddur və həmin hallarda gəlirlər vergiyə cəlb olunmur. Belə gəlirlərə dövlət pensiyası və təqaüd daxildir.

Əmlakın hədiyyə və ya miras yolu ilə əldə olunması zamanı vergitutma necə aparılır?
Qanunvericiliyə əsasən, vergi ili ərzində birinci dərəcəli (həyat yoldaşı, övlad, valideyn) və ikinci dərəcəli (bacı, qardaş, bacıoğlu/bacıqızı, qardaşoğlu/qardaşqızı) varislərin hədiyyə və ya miras yolu ilə əldə etdiyi əmlak gəlir vergisindən azaddır.

Bundan əlavə, vergi ili ərzində hədiyyə şəklində alınan 1000 lariyə qədər əmlakın dəyəri də vergidən azaddır. Bu güzəşt işəgötürənin işçiyə hədiyyə etdiyi əmlaka şamil edilmir.

Eyni zamanda, üçüncü dərəcəli (nənə, baba) və dördüncü dərəcəli (əmi, dayı, xala, bibi) varislərin 150 000 lariyə qədər dəyərdə hədiyyə və ya miras yolu ilə əldə etdiyi əmlak da gəlir vergisindən azaddır.

Digər hallarda isə fiziki şəxs hədiyyə və ya miras yolu ilə əldə olunan əmlakın bazar dəyərinə uyğun olaraq gəlir vergisi ödəməlidir.

Kənd təsərrüfatında çalışan fiziki şəxslər güzəştlərdən yararlanırlar
Maliyyə Nazirliyinin məlumatına görə, 2028-ci il 1 yanvaradək kənd təsərrüfatı sektorunda çalışan fiziki şəxslər müəyyən şərtlərlə gəlir vergisindən azaddırlar.

Güzəşt aşağıdakı hallara şamil olunur:

• yerli istehsal olunmuş kənd təsərrüfatı məhsullarının ilkin satışı zamanı, əgər illik gəlir 200 000 larini keçmirsə;
• həmin fəaliyyətdən əldə olunan əməkhaqqına, əgər işəgötürənin illik gəliri 200 000 laridən çox deyilsə.

Mənbə: BPN

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.