Mübahisəli parlament sədri Şalva Papuaşvili bu gün, 14 may tarixində, media nümayəndəsinin sualını cavablandırarkən

hökumətyönlü “İmedi” telekanalının Avropa Parlamentində akkreditasiyasının bir il müddətinə dayandırılması ilə bağlı məlumata münasibət bildirib.

Şalva Papuaşvilinin fikrincə, bir tərəfdən bu, “medianın əleyhinə Böyük Britaniya tərəfindən qəbul edilmiş düşmən qərarın davamıdır və məqsədi azad medianı bağlamaqdır”. Onun sözlərinə görə, “Brüsselin bu gün qorxduğu şey həqiqəti ifadə edən sözdür”.

Bununla yanaşı, Papuaşvili bildirib ki, bu qərar onu düşündürür ki, bənzər tənzimləmələr Gürcüstan parlamentində də tətbiq edilməlidirmi.

“Əgər Avropa qaydası belədirsə, akkreditasiya qaydalarına müvafiq dəyişiklik etmək haqda düşünəcəyəm, xüsusilə də respondentlərdən əvvəlcədən razılıq almaq məsələsini. Bizdə ilk pozuntu zamanı akkreditasiya 1 aylıq, ikinci dəfə isə 6 aylıq dayandırılır, Avropa Parlamentində isə ilk dəfə elə birbaşa 1 illik dayandırılır. Buna da baxacağam,” — deyə o bildirib.

Papuaşvilinin sözlərinə görə, “Avropa İttifaqı Gürcüstan Parlamentini gözdən salmaq üçün yüz minlərlə avro xərcləyib. Akkreditasiya qaydaları ilə bağlı Gürcüstan Parlamentinə qarşı hücumlar olmuşdu. İndi isə məlum olur ki, Avropa Parlamentində qaydalar Gürcüstan parlamentindəkindən daha sərtdir.”

Onun fikrincə, bu, “ikiüzlülüyün göstəricisidir”.
“Başa düşməlisiniz ki, Avropa Parlamentində, Brüsseldə necə bir ikiüzlülük hökm sürür, Avropa İttifaqının səfirliyində necə ikiüzlü insanlar oturublar ki, Gürcüstan Parlamentini tənqid edir və ona hücum edirdilər, halbuki parlament sadəcə olaraq media üçün elementar qaydalar yaratmağa çalışırdı,” — deyə Papuaşvili əlavə edib.

Nə baş verir
Böyük Britaniya tərəfindən sanksiyaya məruz qalmış “İmedi” telekanalı bildirir ki, onların Avropa Parlamentində fəaliyyəti bir il müddətinə qadağan edilib və bu barədə rəsmi məktubu 13 may tarixində alıblar.

“Onların dediyinə görə, qərar ‘İmedi həftəsi’ proqramında yayımlanan reportaja, həmçinin Rasa Yukneviçiene ilə müsahibə almaq cəhdinə əsaslanır. Ehtimal olunur ki, ikinci səbəb Marketa Qreqorovanın tələbi ilə bağlıdır; o, Avropa Parlamentində ‘İmedi’nin çəkiliş qrupunun olmasından narahat olmuşdu,” —  jurnalist Sopo Beridze 13 mayda telekanalın efirində bildirib.

“İmedi”nin məlumatına görə, Moldova da Avropa Şurası Nazirlər Komitəsinin 135-ci sessiyasını işıqlandırmaq üçün onlara akkreditasiya verməyib. Eyni şəkildə “Rustavi 2” və “PosTV” telekanalları da akkreditasiya ala bilməyib. Hər üç kanal Gürcüstanda hökumətyönlü televiziya kanalları hesab olunur.

Hökumətyönlü kanallara qarşı sanksiyalar
24 fevralda, Ukraynada müharibənin başlanmasının düz dörd ili tamam olan gün, Böyük Britaniyanın Xarici İşlər, Birlik və İnkişaf Ofisi Rusiyaya qarşı tətbiq olunan sanksiyalar siyahısını yeniləyib.

Böyük Britaniya hökuməti Gürcüstanda fəaliyyət göstərən iki hökumətyönlü televiziya kanalına — “Teleimedi” və “PosTV”-yə maliyyə sanksiyaları tətbiq edib.
Sanksiyaların əsaslandırılması belə göstərilib: “destabilizasiya məqsədilə dezinformasiya yayılması.”

Hər iki televiziya ilə bağlı eyni səbəb qeyd olunub:
“Bu media əsasən Gürcüstandakı auditoriya üçün Rusiyanın Ukraynaya qarşı tammiqyaslı işğalı barədə qəsdən yanlış və çaşdırıcı məlumatlar yayır. Bu məlumatlar Ukraynanın sabitliyini pozan və ya onun ərazi bütövlüyünü, suverenliyini və müstəqilliyini təhlükə altına alan siyasət və fəaliyyətləri dəstəkləyir və ya onlara yardım edir.”

“Gürcü Arzusu” hökumətinin başçısı İrakli Kobaxidze isə bildirib ki, Böyük Britaniya tərəfindən sanksiyaya məruz qalan “İmedi” və PosTV, eləcə də onların jurnalistlərinin hüquqları “təmin olunacaq”.

“Maliyyə problemi olmayacaq” — “İmedi”
• 27 fevralda “İmedi” bəyan edib ki, onların “heç bir problemi, o cümlədən maliyyə problemi olmayacaq”.
• Telekanalın imedi.ge və imedinews.ge saytları 25 fevral axşam saatlarında bir müddət fəaliyyətini dayandırmışdı.
• Daha sonra bildirildi ki, “sanksiyalardan yaranan texniki problem aradan qaldırılıb”.

Sanksiyaların təsiri
Sanksiyaların tətbiqindən sonra hökumətyönlü “İmedi” telekanalında əməkhaqları nağd şəkildə verilir.

“Əməkhaqlarını zərflə paylayırlar,” —  məlumatlı mənbə 27 fevralda, maaşların verildiyi gün "Azadlıq" Radiosuna bildirib.

27 martda isə məlum olub ki, Britaniyanın BBC Studios şirkəti “İmedi” ilə “Ulduzlarla rəqs” (“Dancing with the Stars”) proqramının format lisenziyasını dayandırıb. Bu proqram illərdir hökumətyönlü kanalda yayımlanır və geniş populyarlıq qazanmışdı.

 

Mənbə: radiotavisupleba.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.