Azərbaycanın Türkiyədəki səfiri Rəşad Məmmədovun bəyanatına görə, Türkiyə-Ermənistan sərhədi Ermənistan Respublikasında konstitusiya dəyişiklikləri qəbul edildikdən sonra açılacaq.

İki ölkə arasındakı sərhəd ötən əsrin 90-cı illərindən bəri bağlıdır.

Azərbaycanlı diplomatın sözlərinə görə, Bakı Türkiyə ilə Ermənistan arasında münasibətlərin normallaşması prosesində iştirak edir. Səfiri Məmmədov qeyd edib ki, Ermənistan-Türkiyə və Ermənistan-Azərbaycan münaqişələrinin nizamlanması prosesləri paralel şəkildə inkişaf edir.

“İyunun

7-dən [Ermənistanda keçiriləcək Parlament seçkilərindən] sonra ermənilər referendum keçirəcək və konstitusiyanı dəyişəcəklər”, — deyə səfir bildirib. O əlavə edib ki, ərazi iddiaları aradan qaldırıldıqdan sonra, ABŞ-ın təşəbbüsü ilə irəli sürülən Azərbaycan-Ermənistan sülh müqaviləsi imzalanacaq və bununla da Ermənistan-Türkiyə sərhədi açılacaq.

Xatırladaq ki, 2025-ci ilin dekabr ayının əvvəlində Amerikanın “Bloomberg” nəşri öz mənbələrinə istinadən yazmışdı ki, Türkiyə növbəti altı ay ərzində Ermənistanla quru sərhədinin açılması imkanlarını nəzərdən keçirir. Eyni mənbələrin məlumatına görə, Ankara yalnız Ermənistan və Azərbaycan arasında sülh müqaviləsi rəsmən imzalandıqdan sonra Ermənistana səfir təyin etməyi və münasibətləri bərpa etməyi planlaşdırır.

Azərbaycan tərəfi danışıqların ilkin şərti kimi Ermənistan konstitusiyasından Müstəqillik Bəyannaməsinə olan istinadların çıxarılmasını tələb edirdi. Bakı rəsmilərinin fikrincə, bu bənd Azərbaycana qarşı “ərazi iddiaları” ehtiva edir. Ermənistan Baş naziri Nikol Paşinyan isə öz növbəsində bu istinadların yer almayacağı yeni konstitusiyanın qəbul ediləcəyini bəyan edib.

 

Mənbə: radiotavisupleba.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.