Gürcüstan Dövlət Təhlükəsizliyi Xidmətinin (DTX) Antiterror Mərkəzi və Xüsusi Əməliyyatlar Departamenti Pankisi dərəsindəki Omalo,

Birkiani və Coqolo kəndlərində keçirilən xüsusi əməliyyat nəticəsində Gürcüstanın üç vətəndaşını saxlayıb. Onlar xarici ölkənin terror təşkilatına üzv olmaqda və terror fəaliyyətinə yardım etməkdə ittiham olunurlar.

İstintaqın versiyasına görə, saxlanılan şəxslər "İslam Dövləti" (İŞİD) terror təşkilatının sıralarında birləşiblər və tapşırıqları xaricdən alıblar. Qurumun yaydığı məlumata görə, həmin şəxslər Pankisi dərəsində terror təşkilatını dəstəkləyən qondarma "camaat" yaratmağa, bura yeni üzvlər cəlb etməyə, gizli görüşlər təşkil etməyə və terror ideologiyasının təbliğatını aparmağa cəhd göstəriblər.

İş üzrə məhkəmənin qərarı əsasında gizli istintaq və əməliyyat-axtarış tədbirləri həyata keçirilib. Baxış (axtarış) zamanı hüquq-mühafizə orqanlarının əməkdaşları bir neçə odlu silah, partlayıcı maddə, döyüş sursatı, mobil telefonlar, kompüter texnikası, "İslam Dövləti" terror təşkilatının bayrağı, onların rəmzlərini əks etdirən əşyalar və şəxsi sənədlər aşkar edərək götürüblər.

İstintaq Gürcüstan Cinayət Məcləsinin 328-ci (Xarici ölkənin terror təşkilatında birləşmək və ya terror fəaliyyətində ona yardım etmək) və 236-cı (Odlu silah, döyüş sursatı və ya partlayıcı qurğuların qanunsuz olaraq əldə edilməsi, saxlanılması, gəzdirilməsi) maddələri ilə aparılır. Sözügedən cinayət əməli növü cəza olaraq 10 ildən 17 ilədək müddətə azadlıqdan məhrumetməni nəzərdə tutur.

DTX-nin bəyanatına görə, cinayətdə əli olan digər şəxslərin müəyyən edilməsi məqsədilə iş üzrə istintaq hərəkətləri davam etdirilir.

 

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.