“Gürcü Arzusu” hökumətinin başçısı İrakli Kobaxidze bəyan edir ki, Gürcüstan hökuməti Gürcüstan Pravoslav Kilsəsi və Katolikos-Patriarx Şio III ilə birlikdə abortlarla bağlı qanunvericiliyin mümkün sərtləşdirilməsini müzakirə etməyə hazırdır.

Mayın 19-da Hökumət Administrasiyasında keçirilən brifinqdə jurnalistin sualını cavablandıran İrakli Kobaxidze bildirib:
“Qanunvericiliyə gəldikdə isə, biz əlbəttə ki, kilsə ilə, patriarxla, din xadimləri ilə birlikdə qanunvericilikdə mümkün dəyişiklikləri müzakirə

etməyə hazırıq.”
“Əgər əlavə olaraq bu tendensiyanın yaxşılaşmasına kömək edə biləcək hər hansı dəyişiklik mümkündürsə, biz buna, əlbəttə, hazırıq”, – deyə baş nazir bildirib.

Bundan əvvəl o bəyan edib ki, 2012-ci illə müqayisədə abortların sayı 30% azalıb və bunu Pravoslav Kilsəsinin moizələri ilə əlaqələndirib.

2026-cı il mayın 17-də, Sameba (Müqəddəs Üçlük) kilsəsinin həyətində Gürcüstanın 142-ci patriarxı, yeni taxta çıxmış Şio III bildirib:

“Əgər ailədə ağır günah hökm sürürsə, məsələn, abort kimi bir günah varsa, o zaman... belə ailə məhvə məhkumdur.”

“Gürcü Arzusu”nun deputatları bildiriblər ki, patriarxın bu mesajı hələlik abort haqqında qanunun qanunvericilik səviyyəsində dəyişdirilməsi demək deyil.

İrakli Kobaxidze deyib ki, bu, patriarxın abortla bağlı ilk moizəsi deyil və bu moizələrin “cəmiyyətimiz üçün, təbii ki, çox böyük əhəmiyyəti var”.

2016-cı ildən etibarən ölkədə abortların sayı ildən-ilə azalır.

Tədqiqatçılar və həkimlər Azadlıq Radiosuna bildirirlər ki, doğum səviyyəsinin artırılması və demoqrafik vəziyyətin yaxşılaşdırılması üçün əsas yol abortun qadağan edilməsi deyil. Əksinə, bunun özü ilə müxtəlif çətinliklər, o cümlədən qadın ölüm hallarının artması kimi risklər gətirdiyini vurğulayırlar.

 

Mənbə: radiotavisupleba.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.