Hər 100 min nəfərə düşən məhbus sayına görə Gürcüstan Avropa Şurasının hazırladığı reytinqdə ön sıralarda yer alıb və Türkiyə, Azərbaycan və Moldovadan sonra 4-cü yeri tutur.

Mayın 19-da Avropa Şurası “Avropada həbsxanalar və məhbuslar haqqında araşdırma 2025” adlı hesabatı yayımlayıb. Hesabat 31 yanvar 2025-ci il tarixinə olan vəziyyəti əks etdirir və 2024-cü il ərzindəki statistik məlumatları əhatə edir.

Sənəddə qeyd olunur ki, ötən il Avropa Şurasına üzv ölkələrdə məhbusların orta səviyyəsi hər 100 min nəfərə 127 nəfər olaraq qalıb, lakin ölkələr və regionlar arasında ciddi fərqlər mövcuddur.

Məhbusların sayına görə Şərqi Avropa Avropa Şurası ölkələri arasında liderlik edir. Azadlıqdan məhrumetmə cəzalarının ən yüksək tətbiq olunduğu ilk dördlükdə Gürcüstan da yer alıb — hər 100 min nəfərə 232 məhbusla, Türkiyədən (458), Azərbaycandan (271) və Moldovadan (245) sonra. Hesabatda bu göstəricinin “daha çox həbs yönümlü cəza mədəniyyətini əks etdirdiyi” bildirilir.

Yaş göstəricilərinə görə, Gürcüstanda məhbusların orta yaşı 39-dur və bu göstərici ilə ölkə reytinqdə 18-ci yerdədir. Bu kateqoriyada Portuqaliya liderdir (42 yaş).
Gürcüstan qadın məhbusların faiz nisbətinin “aşağı” olduğu ölkələr qrupuna daxil edilib.

50 yaşdan yuxarı məhbusların faiz göstəricisinə görə isə Gürcüstan “yüksək göstəricili” ölkələr sırasında yer alıb.

Bir həbsxana əməkdaşına düşən məhbus sayına görə Gürcüstan “çox yüksək” qiymətləndirilən ölkələr qrupundadır.

Məhbus sayının aşağı olduğu ölkələr əsasən Qərbi və Şimali Avropa dövlətləridir. Bir neçə ölkə — Norveç (54), Niderland (55), Finlandiya (58), Almaniya (69), Danimarka (70) və İsveçrə (77) — qanunvericilik və siyasi modellərinin fərqli olmasına baxmayaraq, uzun müddətdir aşağı məhbus sayını qoruyub saxlayırlar.
Hesabatda həmçinin vurğulanır ki, əgər müəyyən zaman ərzində həbsxanalardan keçən insanların ümumi axını ayrıca araşdırılmırsa, məhbusların nisbətən az olması tam mənzərəni əks etdirmir.

Ümumilikdə, yaşlı məhbusların və xarici ölkə vətəndaşı olan məhbusların sayı artır.

Hesabat müəllifləri bunu “Avropanın miqrasiya paradoksu” adlandırırlar. Onların fikrincə, Avropa inteqrasiyası ilə müşayiət olunan sərbəst hərəkət azadlığı iqtisadi artımı və mədəni mübadiləni təşviq etsə də, eyni zamanda cəzaçəkmə sistemləri üçün struktur problemlər yaradır.

Xüsusilə Qərbi Avropa ölkələrində, hansı ki həm xarici vətəndaşlar üçün təyinat ölkəsi, həm də tranzit məkanı hesab olunur, penitensiar sistemlər yüksək insan hərəkətliliyi ilə bağlı əlavə çətinliklərlə üzləşirlər.

Mənbə: radiotavisupleba.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.