Avropa Komissiyasının sədri Ursula fon der Lyayen iyunun 9-da Rusiyanın Ukraynada işğalçı müharibəsi ilə əlaqədar 21-ci sanksiyalar paketinin layihəsini təqdim edib.

Qurum Ukraynaya qarşı işğal və döyüş əməliyyatlarının bütün iştirakçıları üçün Avropa İttifaqına girişin tam qadağan olunmasını təklif edir. Qadağa 2022-ci ildən Rusiya Silahlı Qüvvələrində xidmət etmiş bütün şəxslərə viza verilməsinin dayandırılması yolu ilə həyata keçiriləcək.

Bundan başqa “kölgə donanması” adlandırılan daha 30 gəminin sanksiya siyahısına salınması, 31 bankla əməliyyatların qadağan edilməsi təklif olunur. Müxtəlif avtomobil ehtiyat hissələri və balıq məhsullarının idxalına qadağa, aerokosmik sənayedə istifadə olunan metallar və ərintilər sahəsində məhdudiyyətlərin tətbiqi, daha 170 fiziki və hüquqi şəxsin qara siyahıya salınması da nəzərdə tutulur.

Enerji sektorunda da yeni məhdudiyyətlərin tətbiqi gözlənilir. Xüsusilə, Rusiya neftinə qiymət tavanı bir barel üçün 44,1 dollar səviyyəsində dondurula bilər. Hazırkı qaydalara əsasən, dünya bazarında neft qiymətlərinin artması səbəbindən bu limit yaxın vaxtlarda yüksəlməli idi. Bu haqda Aİ-nin xarici siyasət məsələləri üzrə ali nümayəndəsi Kaya Kallas məlumat verib.

Sanksiyalardan yayınma hallarına qarşı, o cümlədən üçüncü ölkələrdə fəaliyyət göstərən şirkətlərə qarşı da əlavə tədbirlərin görüləcəyi gözlənilir. Digər detallar hələ açıqlanmayıb. Sanksiya siyahısına salınması planlaşdırılan şəxslərin adları hələ bəlli deyil.

Aİ bundan əvvəl bildirmişdi ki, 21-ci sanksiyalar paketi iyunun ortalarında təsdiqlənə bilər. Viktor Orban Macarıstanda seçkilərdə məğlub olduğundan bu ölkənin əvvəlki kimi paketin qəbulunu bloklamayacağı gözlənilir.

Mənbə: Azadlıq Radiosu

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.