Gürcüstanın Daxili İşlər Nazirliyi “Dariali” sərhəd-keçid məntəqəsinin neytral zonasında olan şəxslərlə bağlı yayılan məlumatlara və qurumun ünvanına səsləndirilən ittihamlara münasibət bildirib.

Nazirliyin açıqlamasına görə, hazırda sözügedən neytral zonada 17 nəfər qalır. Məlumata əsasən, onların arasında qadın və ya uşaq yoxdur. Həmin şəxslər Ukrayna vətəndaşı olduqlarını bildirsələr də, sərhədi keçmək üçün tələb olunan etibarlı sənədlərə malik deyillər və Gürcüstan dövlət sərhədindən keçid üçün müəyyən edilmiş tələblərə cavab vermirlər.

Daxili İşlər Nazirliyinin izahına görə, dövlət təhlükəsizliyi maraqları nəzərə alınaraq bu şəxslərin ölkəyə daxil olmasına icazə verilmir. Bildirilir ki, onların cinayət keçmişi var və ağır və ya xüsusilə ağır cinayətlərə görə məhkum olunublar.

Nazirlik qeyd edir ki, “Dariali” yaxınlığında olan Ukrayna vətəndaşlarının böyük hissəsi vətənlərinə könüllü qayıtmaq istədiklərini bildirmişdi. Gürcüstan Daxili İşlər Nazirliyi ilə Ukrayna tərəfi arasında aparılan uzunmüddətli danışıqlar nəticəsində həmin şəxslər üçüncü ölkə üzərindən Gürcüstanı artıq tərk ediblər.

Qurumun məlumatına görə, hazırda neytral zonada qalan 17 nəfərin təhlükəsiz, təşkilatlanmış və könüllü şəkildə geri qaytarılması məsələsi ilə bağlı Gürcüstan tərəfi Ukraynanın aidiyyəti qurumları və beynəlxalq təşkilatlarla intensiv danışıqları davam etdirir.

Daxili İşlər Nazirliyi bəyan edib ki, öz səlahiyyətləri çərçivəsində bütün zəruri tədbirləri görməyə və Gürcüstan dövlət sərhədində olan şəxslərin vətənlərinə qaytarılması prosesində Ukrayna tərəfinə dəstək verməyə hazırdır.

Bununla yanaşı, qurum vurğulayır ki, müvafiq ölkənin səfirliyi və beynəlxalq təşkilatların nümayəndələri ilə koordinasiya şəraitində neytral zonada olan şəxslər ilkin zəruri ehtiyaclarla təmin olunublar.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.