Marneuli şəhərinin Yağlıca qəsəbəsində yerləşən uşaq bağçası binasının qalan təmir işləri üçün keçirilən tender baş tutmayıb. Məlum olub ki, satınalma müsabiqəsində iştirak etmək üçün heç bir şirkət müraciət etməyib.

Marneuli meriyası həmin uşaq bağçasının reabilitasiyası üçün əlavə olaraq 172 738 lari xərcləməyi planlaşdırır. Qeyd edək ki, bu obyektin bərpası üçün artıq 277 298 lari xərclənib.

Hazırda yeni tenderin nə vaxt elan olunacağı məlum deyil.

Xatırladaq ki, Yağlıca qəsəbəsindəki uşaq bağçası 2022-ci ildə inşa edilib. Layihə Qaçqınlar, Əmək, Sağlamlıq və Sosial Müdafiə Nazirliyinin “İqtisadi iştirak, mənzil təminatı və məcburi köçkünlər və ev sahibi icmalar üçün sosial infrastruktur” proqramı çərçivəsində həyata keçirilib. Proqram Danimarka Qaçqınlar Şurası tərəfindən, Almaniyanın İnkişaf Bankının (KfW) maliyyə dəstəyi ilə icra olunub.

Lakin bağçanın binası hazır olsa da, bu günə qədər qapıları uşaqların üzünə açılmayıb və bina istifadəsiz qalıb.

Marneuli yerli özünüidarəsi 2022-ci ildə Danimarka və Almaniyanın dəstəyi ilə inşa edilən və uzun müddət fəaliyyətsiz qalan uşaq bağçasının reabilitasiyasına 2024-cü ildə başlayıb. 2024-cü ilin sentyabrında bələdiyyə bağçanın həyətinin abadlaşdırılması üçün 124 799 lari xərcləyib, 2025-ci ilin aprelində isə “Besthaus 2024” MMC ilə 152 499 lari dəyərində müqavilə bağlanıb.

Marneuli meriyası 2026-cı il 28 may tarixində Yağlıca uşaq bağçasının reabilitasiyası üçün daha bir tender elan edib. Yerli hökumət bu mərhələdə yarımçıq qalmış təmir işlərini tamamlamaq üçün əlavə olaraq 172 min 738 lari xərcləməyi nəzərdə tutur.

Buna baxmayaraq, sonuncu tenderə heç bir şirkətin qatılmaması bağçanın açılışını yenidən sual altında qoyur.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.