Marneuli bələdiyyəsinin məktəblərində birinci sinif şagirdlərinin qeydiyyatının dördüncü mərhələsi başlayıb. Ümumi qeydiyyat prosesi davam edir. Şagirdlərin qeydiyyat platforması saat 09:00-da açılıb. Hazırkı məlumata görə, Marneulinin altı təhsil müəssisəsində birinci siniflər üçün ayrılmış yerlər ya tam dolub, ya da dolmaq üzrədir. Bəzi məktəblərdə limitlər tamamilə tükənib, bəzilərində isə cəmi bir neçə boş yer qalıb.

• Marneuli şəhərinin 5 saylı
  
  ictimai məktəbində birinci siniflər üçün nəzərdə tutulan 75 yer tamamilə dolub və boş yer qalmayıb.
• Marneuli şəhərinin 2 saylı ictimai məktəbində də həm gürcü, həm də rus bölmələri üzrə qəbul limiti tamamlanıb. Burada ayrılmış 75 yerin hamısı tutulub.
• Marneuli şəhərinin 6 saylı ictimai məktəbinin gürcü bölməsində 100 şagird artıq qeydiyyatdan keçib və bütün yerlər dolub. Hazırda bu məktəbin yalnız rus bölməsində 7 boş yer qalıb.
• Yeni Dioknisi kənd ictimai məktəbində isə 25 yerlik limitdən yalnız 1 yer boşdur.

Xatırladaq ki, qeydiyyat prosesi Təhsil İdarəetmə İnformasiya Sisteminin rəsmi saytı olan registration.emis.ge platforması vasitəsilə aparılır. Qeydiyyatı valideyn və ya qanuni nümayəndə həyata keçirir.

Onlayn qeydiyyatdan sonra sənədlərin məktəbə təqdim olunması mərhələsi başlayır. 6–17 iyul tarixləri arasında valideynlər və ya qanuni nümayəndələr aşağıdakı sənədləri qeydiyyatdan keçdikləri məktəbə təqdim etməlidirlər:

• ərizə;
• valideynin və ya qanuni nümayəndənin şəxsiyyət vəsiqəsinin surəti;
• uşağın doğum haqqında şəhadətnaməsinin surəti.

Şagirdin məktəbə qəbulu üçün tələb olunan bu sənədlər göstərilən müddət ərzində, yəni 6–17 iyul tarixlərində təqdim edilməzsə, uşağın onlayn qeydiyyatı avtomatik olaraq ləğv ediləcək.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.