Ətraf Mühitin Mühafizəsi və Kənd Təsərrüfatı Nazirliyinin Ətraf Mühitə Nəzarət Departamentinin Kaxeti Regional İdarəsinin əməkdaşları Axmeta bələdiyyəsində qanunsuz balıq ovu faktı aşkarlayıblar.

Qurumun məlumatına görə, vətəndaş Matani kəndi yaxınlığında, Kurtanadzeuli çayında elektrik alətindən istifadə etməklə müxtəlif növ balıqları, o cümlədən Gürcüstanın “Qırmızı Siyahı”sına daxil edilmiş çay forelini qanunsuz ovlayıb.

Ətraf Mühitə Nəzarət Departamentinin məlumatına əsasən, elektrik aləti ilə balıq ovu cinayət əməli hesab olunur. Sözügedən faktla bağlı araşdırmaya Daxili İşlər Nazirliyinin Axmeta Rayon Polis Şöbəsində başlanılıb.

Qurum bildirir ki, elektrik aləti həm ətraf mühit, həm də insanların həyatı və sağlamlığı üçün təhlükə yaradır. Qanunvericiliyə əsasən, elektrik alətinin hazırlanması, əldə edilməsi, saxlanılması, gəzdirməsi, daşınması, göndərilməsi və satışı cəzalandırılan əməllər hesab olunur.

Ətraf Mühitə Nəzarət Departamentinin bəyanatına görə, brakonyerliyə qarşı mübarizə qurumun əsas prioritetlərindən biridir. Departamentin ekipajları ölkə üzrə 24 saat fasiləsiz patrul xidməti həyata keçirirlər ki, qanunsuz balıq ovunun və digər ekoloji hüquq pozuntularının qarşısı vaxtında alınsın, onlar aşkarlansın və aradan qaldırılsın.

Vətəndaşlar hüquq pozuntuları barədə məlumatı Ətraf Mühitin Mühafizəsi və Kənd Təsərrüfatı Nazirliyinin 153 nömrəli qaynar xəttinə çatdıra bilərlər. Qurumun məlumatına görə, daxil olan hər bir müraciətə dərhal reaksiya verilir.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.