5 iyul tarixində Bakı şəhərində “Borçalı mahalının Kürdlər-Baydar eli” kitabının təqdimat mərasimi keçirilib. Kitab Kürtlər və Baydar kəndlərini, eləcə də bu kəndlərin tanınmış simaları və ziyalıları haqqında məlumatları əhatə edir.

Təqdimat mərasimində Azərbaycanda yaşayan kənd sakinləri iştirak ediblər.


Tədbiri giriş sözü ilə kitab müəlliflərindən biri, Bakıda yaşayan Baydar kənd sakini Qurban Qurbanov açıb. O, kitab haqqında iştirakçılara məlumat verib.

Daha sonra söz texniki elmlər namizədi, alim İsmixan Abdullayevə verilib. O, çıxışı zamanı kitabda kənd ziyalılarının yaradıcılığı və fəaliyyətinin geniş, hərtərəfli şəkildə araşdırılmasını yüksək qiymətləndirib və kitabın müəllifi Namik Xeyirzadəyə təşəkkürünü bildirib.


Daha sonra pedaqogika elmləri doktoru, professor Elza Mollayevaya söz verilib. O, kitabın nəfis tərtibatını, eləcə də Kürdlər-Baydar elindən olan ziyalıların və müəllimlərin fəaliyyətlərinin bir nəşrdə işıqlandırılmasını təqdirəlayiq hal kimi qiymətləndirib. Professor qeyd edib ki, bu elin sərhədləri yalnız coğrafi məkanla məhdudlaşmır və burada yaşayan insanlar bir el-oba kimi qaynayıb-qarışıblar.


Təqdimatda çıxış edən texniki elmlər namizədi Əhməd Bələgözov da kitabın tərtibatını yüksək qiymətləndirib. O, müəllif Namik Xeyirzadəyə və kitabın hazırlanması prosesində göstərdiyi köməyə görə Qurban Qurbanova təşəkkür edib.

Tədbirdə Zülfüqarov Süleyman, İsmayılov Namaz, Süleymanov Faiq, Mollayev Elvin, Sultanov Zahid, Binnətov Yaşar Binnətov Samir, Mollayev Azad və Mollayev İlqar da çıxış ediblər. Onlar kitabda haqqında məlumat verilən şəxslərlə bağlı toplanmış informasiyanın dolğunluğunu yüksək qiymətləndirərək təşəkkürlərini bildiriblər.


Daha sonra kitabın müəllifi Namik Xeyirzadə təqdimatda iştirak edənlərə və kitabın hazırlanması, tərtibatı zamanı göstərilən dəstəyə görə Qurban Qurbanova təşəkkür edib.

Namik Xeyirzadə çıxışı zamanı qeyd edib ki, “Borçalı mahalının Kürdlər-Baydar eli” kitabı ensiklopedik və informativ məlumat toplusudur və böyük tarixi əhəmiyyət daşıyır.


Təşkilatçıların məlumatına görə, kitabın ilk mərhələdə 100 nüsxəsi çap olunub. Yaxın vaxtlarda kitaba yaranan maraq səbəbindən onun yenidən çap olunması nəzərdə tutulur.

Kitabın nəşri Kürtlər və Baydar kəndlərindən olan sakinlərin maliyyə dəstəyi ilə həyata keçirilib.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.