Prokurorluq Gürcüstan vətəndaşlarının xarici ölkədə qanunsuz qalmasına köməklik göstərilməsi,

sığınacaq almaq üçün saxta məlumatların təqdim olunmasının təşkili və saxta sənədlərin hazırlanması-satılması faktları üzrə daha 4 nəfərə qarşı ittiham irəli sürüb.

Gürcüstan Baş Prokurorluğu və Amerika Birləşmiş Ştatlarının səfirliyinin Regional Təhlükəsizlik Xidmətinin birgə keçirdiyi tədbirlər nəticəsində müəyyən edilib ki, ABŞ-da immiqrasiya siyasətinin sərtləşdirilməsi fonunda, üç Gürcüstan vətəndaşı qrup yaradıb. Bu qrup maddi qazanc qarşılığında, ABŞ-da sığınacaq axtaran Gürcüstan vətəndaşları üçün saxta hekayələr və sübutlar (özəlliklə "keyslər") hazırlayıb.

İstintaqın məlumatına görə, qrup üzvləri vətəndaşları inandırırdılar ki, bu sənədlərin köməyi ilə onlar ABŞ-da heç bir problem olmadan sığınacaq ala biləcəklər. Onlar siyasi baxışlar, cinsi oriyentasiya, hüquq-mühafizə orqanları tərəfindən təqib olunma və digər uydurma səbəblərlə bağlı hekayələr yazır, bunları təsdiqləmək üçün isə saxta sənədlər hazırlayırdılar.

Təqsirləndirilən şəxslərdən birinin yaşayış evinə və ofisinə baxış zamanı 500-ə yaxın vətəndaşın adına hazırlanmış saxta sənədlər, sığınacaq axtaran şəxslər üçün nəzərdə tutulmuş hekayələr və müxtəlif təşkilatların saxta elektron möhürləri aşkar edilərək götürülüb. İstintaq materiallarına əsasən, qrup üzvləri 1 yanvar 2025-ci il ilə 2026-cı ilin iyun ayı arasındakı dövrdə bu fəaliyyətdən ümumilikdə 675 794 lari, 388 526 ABŞ dolları və 4 964 avro məbləğində gəlir əldə ediblər.

Bununla yanaşı, qeyd olunan mütəşəkkil qrupun üzvləri üçün saxta sənədlərin hazırlanmasını təmin edən daha bir nəfər barəsində cinayət təqibinə başlanılıb. Qurumun məlumatına görə, həmin şəxs törətdiyi əməli tamamilə etiraf edir və istintaqla əməkdaşlıq edir.

Məhkəmə qərarı əsasında, iyulun 13-də bir nəfər saxlanılıb. Ona və digər iki şəxsə qiyabi olaraq Gürcüstan Cinayət Məcəlləsinin 344-prim maddəsinin 2-ci hissəsinin "a", "g" və "d" bəndləri ilə (iki və ya daha çox şəxs barəsində saxta sənədlərdən istifadə etməklə qanunsuz qalmağa köməklik göstərilməsi/təşkili) ittiham elan edilib ki, bu da 6 ilədək azadlıqdan məhrumetmə cəzasını nəzərdə tutur. Dördüncü şəxsə isə həmin maddənin 2-ci hissəsinin "g", "d" bəndləri və 3-cü hissəsi ilə ittiham irəli sürülüb ki, bu maddə üzrə də 7 ilədək azadlıqdan məhrumetmə cəzası tətbiq edilə bilər.

Keçirilən birgə tədbirlər nəticəsində indiyədək daha iki mütəşəkkil qrup aşkar edilib, 3 nəfər saxlanılıb, 6 nəfər barəsində isə cinayət təqibinə başlanılıb.

Prokurorluq təqsirləndirilən şəxslər barəsində qətimkan tədbirinin seçilməsi vəsatəti ilə qanunla müəyyən edilmiş müddətdə Tbilisi Şəhər Məhkəməsinə müraciət edəcək. Hadisə ilə bağlı digər mümkün iştirakçıların müəyyən edilməsi istiqamətində istintaq davam edir.

 

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.