Kiribati ümumi daxili məhsulunun 16.4%-ni təhsilə xərcləyir ki, bu da dünyada ən yüksək paydır.

Bu barədə 181 ölkənin məlumatlarını əhatə edən "Visual Capitalist" nəşrində qeyd olunub.

Nəşrin yazdığına görə, gəlir səviyyələrinin fərqliliyinə baxmayaraq, ölkələrin əksəriyyəti ÜDM-nin 4%-dən 6%-ə qədərini təhsilə investisiya edir. Lakin nəzərə almaq lazımdır ki, təhsilə ÜDM-dən daha yüksək payın ayrılması avtomatik olaraq daha yaxşı nəticələrə zəmanət vermir.

Burada həlledici məqam bu resursun nə dərəcədə səmərəli xərclənməsidir - tədrisin keyfiyyəti, tədris proqramları, təhsilin idarə edilməsi və əlçatanlığı baxımından. Müvafiq olaraq, oxşar xərclərə malik ölkələr təhsil sahəsində bir-birindən əhəmiyyətli dərəcədə fərqli nəticələrə malik ola bilərlər.

Məlumatlar göstərir ki, reytinqin ön sıralarında kiçik ada dövlətləri üstünlük təşkil edir - Kiribati ÜDM-nin 16.4%-i ilə liderdir, ondan sonra Tuvalu (12.9%) və Mikroneziya (11.6%) gəlir.

Təhsilə ÜDM-in ən böyük payı düşən 10 ölkə belə görünür:

• Kiribati - 16.39%;
• Tuvalu - 12.85%;
• Mikroneziya - 11.56%;
• Namibiya - 9.08%;
• Əlcəzair - 8.98%;
• Kuba - 8.44%;
• Solomon Adaları - 8.29%;
• Botsvana - 8.06%;
• Marşall Adaları - 7.7%;
• Vanuatu - 7.64%.

Əgər dünyanın iri iqtisadiyyatlarını nəzərdən keçirsək, təhsilə ayrılan ÜDM payı ilə İsveç liderlik edir (7.3%), onu isə Danimarka (6.4%) izləyir.

Xüsusilə, 10 ən iri iqtisadiyyatın təhsilə ayrılan xərclərinin ÜDM-dəki payı belədir:

• İsveç - 7.3%;
• Danimarka - 6.4%;
• Belçika - 6.3%;
• Cənubi Afrika - 6%;
• İsrail - 5.9%;
• Birləşmiş Krallıq - 5.9%;
• Braziliya - 5.6%;
• Norveç - 5.4%;
• ABŞ - 5.4%;
• Cənubi Koreya - 5.4%.

Gürcüstana və qonşu ölkələrə gəlincə, ÜDM-də təhsilə nəzərdə tutulmuş payla birinci yerdə Rusiyadır, sonuncu yeri isə Ermənistan tutur.

Daha konkret, Gürcüstanın qonşu ölkələri arasında növbəti göstəricilərdir:

• Rusiya (qlobal reytinqdə 95-ci yer) - ÜDM-nin 4.16%-i;
• Gürcüstan (104-cü yer) - ÜDM-nin 3.98%-i;
• Azərbaycan (115-ci yer) - ÜDM-nin 3.66%-i;
• Türkiyə (136-cı yer) - ÜDM-nin 3.1%-i;
• Ermənistan (157-ci yer) - ÜDM-nin 2.44%-i.

 

Mənbə: BPN

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.