Azov dənizi akvatoriyasında Ukrayna dronlarının endirdiyi zərbələr nəticəsində Azov və Taman limanlarının fəaliyyəti dayanıb ki, bu da Rusiya taxılının ixracını iflic edib.

Bu barədə The Moscow Times yazır.

Belə ki, Rusiyanın aqrar bazarı üzrə ixtisaslaşmış SovEcon onlayn nəşrinin proqnozuna görə, iyul ayında Rusiyadan cəmi 1,5 milyon ton buğda ixrac olunacaq. Bu göstərici ötən ilin eyni ayı ilə müqayisədə (2,1 milyon ton) təxminən üçdə bir, son beş ilin orta göstəricisi olan 3,1 milyon tonun isə yarısı qədərdir.

SovEcon-un qiymətləndirməsinə əsasən, ixracın həcmi 2017-ci ildən bəri ən aşağı səviyyədə olacaq və faktiki olaraq 10 il əvvəlki göstəricilərə qayıdacaq.

SovEcon-un icraçı direktoru Andrey Sizov bildirib ki, “azalmanın əsas səbəbi Kerç boğazında gəmiçiliklə bağlı tətbiq olunan məhdudiyyətlərdir.”

İyulun 11-də Azov dənizində 100-dən çox gəmiyə Ukrayna dronlarının hücumundan sonra Rusiya hakimiyyəti dəniz şirkətlərinə Kerç boğazından keçidlə bağlı yeni müraciətlərin artıq qəbul edilməyəcəyini bildirib. Nəticədə, SovEcon-un hesablamalarına görə, Kerç boğazı vasitəsilə dayaz limanlardan həyata keçirilən və Rusiyanın ümumi taxıl və günəbaxan yağı ixracının 25 faizədək hissəsini təşkil edən daşımalar risk altına düşüb. Həmin limanlar Yaxın Şərq ölkələri və Rusiyanın taxıl ixracının təxminən beşdə birini alan ən böyük alıcılardan biri olan Türkiyə ilə ticarətdə mühüm rol oynayır. Bundan əlavə, Misir və Türkiyədən buğdaya tələbatın zəifləməsi də ixraca əlavə təzyiq göstərir.

Sənaye mənbələri Rostovda fəaliyyət göstərən "Qorod N" nəşrinə bildiriblər ki, Kerç boğazındakı problemlər səbəbindən Don çayı vasitəsilə taxıl ixracı tamamilə dayanıb. Ötən kənd təsərrüfatı mövsümündə bu marşrutla xaricə 14,7 milyon ton taxıl və onun emal məhsulları ixrac edilmişdi ki, bu da Rusiyanın ümumi taxıl ixracının 27 faizini təşkil edir.

Məsələn, "Ural-Don" holdinqi bildirir ki, “hazırda Don limanlarındakı bütün elevatorlar doludur. Taxıl alışları faktiki olaraq dayandırılıb, yeni yüklər qəbul edilmir, əvvəlcədən razılaşdırılmış ixrac müqavilələri isə pozulub, çünki məhsulun ixracı mümkün deyil.”

Rostovlu taxıl treyderləri alternativ marşrutlarla bağlı "Qorod N" nəşrinə bildiriblər ki, Novorossiysk və Tuapse limanlarına aparan dar giriş yolları bu qədər vaqon axınını fiziki olaraq qəbul edə bilməz. Bu, təkcə böyük tıxac yaratmayacaq, həm də hərəkətin aylarla dayanmasına səbəb olacaq. Bundan başqa, Qara dəniz limanları yüksək emal olunmuş tez xarab olan məhsulların, həmçinin paxlalı bitkilərin və bərk buğdanın ixracı üçün nəzərdə tutulmayıb.

Treyderlərin sözlərinə görə, “Azov-Don hövzəsinin bağlanması yük axınının sadəcə başqa istiqamətə yönləndirilməsinə deyil, niş bazar seqmentlərinin iflicinə və yüksək gəlirlilik gətirən məhsulların xarab olmasına səbəb olacaq. Emal gücləri və Volqa–Azov–Don hövzəsinin bütün liman infrastrukturu fəaliyyətini dayandıracaq, artıq ehtiyatlar yaranacaq, strateji əhəmiyyət daşıyan Rusiya regionları isə iqtisadi kollapsla üzləşəcək.”

 

Mənbə: BPN

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.