2026-cı il iyulun 20-si gecə saatlarından iyulun 21-i səhərə qədər Tbilisinin böyük hissəsində təhlükəli meteoroloji hadisələr kateqoriyasına daxil olan güclü yağış qeydə alınıb.
Nəticədə paytaxtın bəzi məhəllələrində küçələri su basıb, şəhər infrastrukturu müvəqqəti olaraq həddindən artıq yüklənib.

Milli Ətraf Mühit Agentliyinin meteoroloji müşahidələrinə əsasən, ən yüksək yağış göstəricisi Tbilisi Dövlət Universitetinin I korpusunun ətrafında qeydə alınıb. Orada təxminən 8 saat ərzində 110 mm yağıntı düşüb ki, bu da Tbilisi miqyasında iyul ayı üçün rekord göstəricidir. Bununla yanaşı, 1 saat ərzində (iyulun 20-si saat 23:00-dan iyulun 21-i saat 00:00-dək) bu miqdarın yarısından çoxu — 54,5 mm qeydə alınıb ki, bu da Tbilisinin iyul ayı üzrə iqlim normasını 30% üstələyir.

Agentliyin meteorologiya stansiyalarının məlumatına görə, yağıntı şəhər üzrə qeyri-bərabər paylanıb:

• Tbilisi Dövlət Universiteti (I korpus): 110 mm
• Ağmaşenebeli prospekti: 95,1 mm
• Muxatskaro: 87,3 mm
• Bagebi: 75,2 mm
• Suxumi Universitetinin ətrafı: 69,1 mm
• Vaşlicvari: 55,8 mm
• Tabaxmela: 25,07 mm
• Mtsxeta: 1,5 mm

Mütəxəssislərin izahına görə, yağıntının qeyri-bərabər paylanması konvektiv proseslər üçün səciyyəvi xüsusiyyətdir. Xüsusilə bol yağıntı Tbilisinin qərb və mərkəzi hissəsinin ayrı-ayrı ərazilərində qeydə alınıb.

"Gün ərzində səth havasının əhəmiyyətli dərəcədə qızması, atmosferin aşağı təbəqələrində rütubətin yüksək olması və yuxarı təbəqələrə nisbətən soyuq havanın daxil olması fonunda atmosferdə güclü qeyri-sabitlik yaranıb. Belə şəraitdə sürətlə güclü konvektiv buludlar inkişaf edib və kiçik ərazidə, qısa müddət ərzində intensiv yağışa səbəb olub", — agentlik yazır.

Agentlikdən bildirirlər ki, bu cür hadisələr zamanı yağıntının əsas hissəsinin bir neçə saat ərzində düşməsi xarakterikdir. Mövcud halda, təxminən 7-8 saat ərzində paytaxt ərazisində aylıq normadan 1,5 dəfə, bəzi məhəllələrdə isə 2,5 dəfə çox yağış yağıb. Yağıntının məhz bu cür yüksək intensivliyi daşqınların, küçələri su basmasının və şəhər infrastrukturunun həddindən artıq yüklənməsinin əsas səbəblərindən biri olub.

Milli Ətraf Mühit Agentliyindən bildirirlər ki, iqlim dəyişikliyi şəraitində nəinki ekstremal yağıntıların tezliyi, eyni zamanda onların intensivliyi də artır. Müvafiq olaraq, qısa müddətdə böyük həcmdə yağışın yağması halları tez-tez müşahid olunur ki, bu da ani daşqınların və digər hidrometeoroloji proseslərin inkişaf riskini artırır.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.