Qıymətləndirmə və İmtahanlar üzrə Milli Mərkəz (NAEC) apellyasiya prosesinin başlanması ilə bağlı məlumat yayıb.

2026-cı il Vahid Milli İmtahanların və Tələbə Qrant Müsabiqəsinin nəticələrindən narazı olan iştirakçılar Qıymətləndirmə və İmtahanlar üzrə Milli Mərkəzə apellyasiya müraciəti təqdim edə bilərlər. Elektron müraciətlərin qəbulu online.naec.ge saytında bu gün, 4 avqust saat 10:00-dan başlayıb və 6 avqust saat 18:00-dək davam edəcək.

İmtahan verən şəxs həm bir, həm də bir neçə tapşırığın nəticəsindən şikayət etmək hüququna malikdir.

Apellyasiya şərtləri və ödəniş qaydası:
Rüsum: Bir imtahan nəticəsindən şikayət etməyin rüsumu 50 laridir.

Məbləğin qaytarılması: Bal dəyişdikdə (artdıqda və ya azaldıqda), eləcə də iştirakçı müraciətini 6 avqust saat 18:00-dək ləğv etdikdə, ödənilən məbləğ ərizə əsasında tam olaraq geri qaytarılacaqdır.

Ödəniş qaydası: Ödəniş apellyasiya müraciəti doldurulmazdan əvvəl həyata keçirilməlidir. Ödənişin təyinatı hissəsində abituriyentin şəxsi nömrəsi, xarici ölkə vətəndaşları üçün isə şəxsiyyət (yaşayış) vəsiqəsinin və ya pasportun seriya və nömrəsi qeyd olunmalıdır.

Ödənişi "Bank of Georgia"nın ödəniş platforması (bogpay.ge), internet/mobil bankinq və ya özünühidmət terminalları vasitəsilə etmək mümkündür.