Daşınmaz əmlakın icarəsindən əldə olunan gəlir, Belçika bankında hesab və nazir postunda 119 731 lari

illik gəlir – Maka Boçorişvilinin əmlak bəyannaməsində yer alan qısa məlumatlar belədir.

Məlumat üçün bildirək ki, Xarici İşlər Naziri rəsmi sənədi 2026-cı ilin iyun ayında təqdim edib.

Bəyannaməyə əsasən, nazirin mülkiyyətində Tbilisidə yerləşən yaşayış evinin 50%-lik payı var. O, bu payı 2014-cü ildə hədiyyə/tikinti formasında əldə edib.

Bununla yanaşı, nazirin paytaxtda 100%-lik mülkiyyətində iki mənzil var: 2024-cü ildə 180 000 ABŞ dollarına satın aldığı 109,7 kv.m sahəsi olan mənzil və 2019-cu ildə 90 000 ABŞ dollarına alınan 58,75 kv.m sahəsi olan digər mənzil.

Sənədə əsasən, onun adına həmçinin Tsavkisidə yerləşən 1 500 kv.m sahəsi olan torpaq sahəsi də qeydiyyata alınıb. Xarici İşlər Naziri bu torpaq sahəsini 2022-ci ildə 77 000 ABŞ dollarına alıb.

Maliyyə vəziyyətinə gəldikdə, bəyannamənin doldurulduğu məqamda nazirin müxtəlif bank hesablarında (o cümlədən Belçikanın "Belfius" bankında) ümumilikdə 7 206 lari, 3 321 ABŞ dolları və 2 934 avro vəsaiti olub. Həmçinin onun 89 265 dollar məbləğində ipoteka krediti qeydə alınıb.

Bununla yanaşı, bəyannamədə qeyd olunduğu kimi, Maka Boçorişvili 2025-ci ildə nazir vəzifəsində çalışaraq gəlir şəklində 119 731 lari əldə edib. Əlavə gəlirlər hissəsində isə daşınmaz əmlakın icarəsindən əldə olunan 31 200 ABŞ dolları göstərilib.

Xərclərə gəlincə, Xarici İşlər Naziri bəyannamədə ötən il ipoteka kreditinin ödənilməsinə 17 129 ABŞ dolları, təmir işlərinə və mebelə 40 000 lari, səyahətə isə 10 000 lari xərclədiyini qeyd edib.

 

Mənbə: BPN

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.