Əfqanıstanın beynəlxalq səviyyədə tanınmayan "Taliban" hökumətinin rəsmiləri bugünlərdə Moldovaya səfər ediblər. Bu səfər Şərqi Avropanın bu kiçik ölkəsində siyasi qalmaqal yaradıb.

"Taliban"ın Kənd Təsərrüfatı Nazirliyinin üç rəsmisinə viza verilib və onlar avqustun 3-də Kişinyova bir neçə günlük səfərə gediblər.

"Taliban" radikal islamçı qruplaşması 2021-ci ildə beynəlxalq qoşunlar Əfqanıstandan çıxandan sonra hakimiyyəti ələ keçirib. Qruplaşma bu səfərdən öz beynəlxalq imicini və legitimliyini gücləndirmək üçün yararlanır.

"Taliban" hökuməti dünyada ən repressiv rejimlərdən biri sayılır. Beynəlxalq birlik "Taliban" liderlərinə sanksiyalar qoymaqla qruplaşmanı qlobal maliyyə sistemindən təcrid edib.

Avqustun 3-də "Taliban"ın Kənd Təsərrüfatı Nazirliyi X sosial şəbəkəsində üç rəsminin ənənəvi geyimdə "Türk Hava Yolları"na məxsus təyyarənin yanında çəkilmiş fotosunu paylaşıb. Səfərin rəsmi olduğu iki dəfə vurğulanıb, yüksək səviyyəli dövlət səfəri kimi təqdim olunub.

Əfqanıstanın dövlət televiziyası avqustun 3-də axşamkı əsas xəbər buraxılışını bu səfərlə başlayıb.

"Utancverici və qəbuledilməz"
Moldova Kənd Təsərrüfatı və Ərzaq Sənayesi Nazirliyinin rəsmisi Vasili Sarban qalmaqalın mərkəzində dayanır. "Taliban" rəsmilərini Moldovaya məhz o dəvət edib. Sarban bu qərarı Əfqanıstana məhsul ixrac etmək istəyən özəl Moldova şirkətlərinin müraciəti əsasında verdiyini bildirib.

"Taliban" nümayəndə heyəti Kişinyova çatdıqdan sonra Moldova Xarici İşlər Nazirliyi bəyanat yayaraq vizaların verildiyini təsdiqləyib. Nazirlik vurğulayıb ki, nümayəndə heyətinin üzvləri beynəlxalq sanksiyalar siyahısında deyillər: "Moldova beynəlxalq sanksiyalar rejiminə ciddi əməl edir, həmçinin Əfqanıstandakı "Taliban" hökumətini tanımır".

Bəyanatda nümayəndə heyəti ilə hər hansı ikitərəfli görüşün və ya rəsmi təmasın nəzərdə tutulmadığı bildirilib.

Moldova hökuməti vizaların hansı əsasla verildiyinin araşdırıldığını bəyan edib.

Baş nazir Vasile Tofan isə "Facebook" paylaşımında hadisəni "utancverici və qəbuledilməz" adlandırıb, bunu administrativ uğursuzluq kimi qiymətləndirib: "Prosedur formal xarakter daşıyıb, zəruri siyasi və diplomatik qiymətləndirmə aparılmayıb. Açıq-aşkar həssas olan bu məsələ adi inzibati iş kimi nəzərdən keçirilib. Nəticədə yanlış qərar qəbul edilib".

"Taliban" tərəfdaş axtarır
İndiyədək yalnız Rusiya "Taliban"ı Əfqanıstanın legitim hökuməti kimi rəsmən tanıyıb. Moskva bunu 2025-ci ildə elan edib.

Çin, Qazaxıstan və Özbəkistan daxil olmaqla, bir sıra ölkələr "Taliban" hökumətini rəsmən tanımasalar da, onunla diplomatik, ticarət və iqtisadi əlaqələr saxlayırlar.

Ekspertlərin fikrincə, "Taliban" müxtəlif ölkələrlə əlaqələr qurmağa çalışır və məqsədi həm beynəlxalq legitimlik görüntüsü yaratmaq, həm də ölkə daxilindəki ictimai rəyə təsir göstərməkdir.

"Taliban" rəsmiləri ilk dəfə iyunda Brüsseldə əfqan miqrantların geri qaytarılması məsələsini müzakirə ediblər. İnsan haqları təşkilatları bu danışıqları kəskin tənqid edərək Avropa İttifaqını "Taliban"ı legitimləşdirməkdə günahlandırıblar. Bu qruplaşma əfqanların, xüsusilə də qadınların fundamental hüquqlarını tapdalamaqda ittiham olunur.

Mənbə: Azadlıq Radiosu

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.