Gürcüstan hökumətinin avqustun 3-də qəbul etdiyi qərara əsasən, ümumi təhsilin ibtidai pilləsində məktəbli forması ilə ödənişsiz təminat

üzrə məqsədli proqram təsdiqlənib. Sənədə əsasən, məktəbli formalarını pulsuz alacaq uşaqların altı kateqoriyası müəyyən edilib.

Qərarda qeyd olunduğu kimi, proqram çərçivəsində məktəbli forması dəsti dövlət məktəblərinin ibtidai siniflərində təhsil alan aşağıdakı şagirdlərə ödənişsiz təhvil veriləcək:

a) Sosial baxımdan müdafiəsiz ailələrin vahid məlumat bazasında qeydiyyatda olan və ailələrinin reytinq xalı 65 001-dən az olanlar;
b) Qəyyumluq tərbiyəsi (himayədar ailə) dövlət proqramına cəlb olunanlar;

c) Kiçik ailə tipli uşaq evlərində yerləşdirilənlər;

ç) Kimsəsiz/sığınacaqsız uşaqlar üçün sığınacaq xidmətlərinə cəlb olunanlar;

d) Tbilisi uşaq evində yerləşdirilənlər;

e) 24 fevral 2022-ci il tarixində Ukraynada başlayan hərbi əməliyyatlar nəticəsində Ukraynanın ümumtəhsil müəssisələrində təhsilini davam etdirə bilməyən və Gürcüstanın dövlət məktəblərinə qəbul edilənlər.

Proqramın benefisiarlarına Gürcüstanın Elm, Təhsil və Gənclər Nazirliyi tərəfindən müəyyən edilmiş qaydaya uyğun olaraq, müəyyən olunmuş nümunədə məktəbli forması pulsuz veriləcək.

Bununla yanaşı, benefisiarlara təqdim olunacaq məktəbli forması dəstinin tərkibi də məlum olub: oğlanlar üçün − 1 pencək və 2 şalvar; qızlar üçün − 1 pencək, 1 şalvar və 1 ətək.

Xatırladaq ki, 2026-2027-ci tədris ili üçün dövlət məktəblərinin ibtidai sinif şagirdlərinə məktəbli formalarını "Təhsil resursları" MMC Çində təsis olunmuş və Gürcüstanda 2026-cı ilin martında qeydiyyatdan keçmiş "Glori Tekstil İndastris" MMC şirkətindən alacaq.

Formaların qiymətinə gəlincə, həm qızlar, həm də oğlanlar üçün pencəyin qiyməti 45 lari, şalvarın qiyməti isə 25 lari təşkil edəcək. Bununla yanaşı, qısa ətəyin qiyməti 25 lari müəyyən olunub. Uzun ətəyin də qiyməti 25 lari olacaq.

 

Mənbə: BPN

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.