Marneulidə “Mamed Gas” şirkətinin ofisi yaxınlığına “SOCAR Georgia Gas” nümayəndələri və Daxili İşlər Nazirliyinin əməkdaşları səfərbər olunub.

DİN-dən bildirdilər ki, polis ərazidə yalnız təhlükəsizlik qaydalarının qorunması məqsədilə olub.

“SOCAR Georgia Gas” şirkətinin İctimaiyyətlə Əlaqələr Şöbəsinin rəhbəri Teona Ruxadzenin sözlərinə görə, iyulun 30-da dərc edilmiş qərara əsasən, şirkət “Mamed Gas”ın keçmiş abonentlərinin yenidən qeydiyyatı prosesinə başlayıb.

O qeyd etdi ki, bu mərhələdə qeydiyyatdan keçməyən və təbii qazdan qanunsuz istifadə edən kommersiya obyektlərinin, o cümlədən “Mamed Gas”a məxsus bir neçə obyektin qaz təchizatının dayandırılmasına başlanılıb.

“Biz «Mamed Gas»ın istehlakçısı olmuş bütün abonentlərin qeydiyyatına başlamışıq. Bildiyiniz kimi, iyulun 26-da qərar dərc olundu və bundan sonra biz həmin abonentlər üçün qazpaylayıcı şirkət olduq. Avqustun 5-dək bu abonentlərin bizdə yenidən qeydiyyatdan keçməsini nəzərdə tutmuşduq. İndi avqustun 8-dək əhalidən müraciətləri qəbul edirik. Lakin müştərimiz kimi qeydiyyatdan keçməyən kommersiya abonentlərinin şəbəkədən ayrılmasına başladıq. Çünki onlar hazırda qazdan qanunsuz istifadə edirlər və bu, itki kimi sərf olunur. Bu addım «Mamed Gas»ın bir neçə obyektinə də şamil olunur”, — Teona Ruxadze bildirdi.

Ruxadze əlavə etdi ki, müraciət təqdim etməyən istehlakçılara təbii qazın verilməsi 10 avqust tarixindən etibarən dayandırılacaq.

“Mamed Gas”ın ofisi önündə cərəyan edən hadisələri “Interpress.ge” canlı yayımlayıb. Yayım zamanı yerli sakinlər narazılıqlarını ifadə edərək “Mamed Gas”ın xidmətindən razı olduqlarını və şirkətin dəyişdirilməsini istəmədiklərini bildirirlər.

"Socar Georgia Gas"ın açıqlamasına görə, qeydiyyatdan keçmək üçün Marneuli Xidmət mərkəzinə (Ünvan: Marneuli ş., Yağlıca küç. N23) və ya kənd icra nümayəndəliyinə müraciət etmək mümkündür.

Tələb olunan sənəd və məlumatlar:

• Şəxsiyyəti təsdiq edən sənəd;
• Dəqiq ünvan;
• Əlaqə telefonu;
• Qaz sayğacının fotosu.

Sənədləri onlayn göndərmək də mümkündür:

• Rəsmi e-poçt: CLOAKING
• WhatsApp və Viber: 577 33 03 46
• Qaynar Xətt: 16114

Gürcüstanın Energetika və Su Təchizatı üzrə Milli Tənzimləmə Komissiyasının (SEMEK) 2026-cı il 30 iyul tarixli qərarı ilə “Mamed” MMC-nin təbii qazın paylanması lisenziyası ləğv edilib. Avqustun 1-dən Marneuli bələdiyyəsinin Qızılhacılı kəndini təbii qazla «SOCAR Georgia Gas» MMC təmin etməyə başlayıb.

Təxminən bir ay əvvəl “Mamed Gas” MMC ilə SEMEK arasında yaranmış maliyyə narazılığı səbəbindən əhaliyə qazın verilişi məhdudlaşdırılmışdı. Mübahisəyə səbəb qaz tarifi olub: “Mamed Gas” istehlakçılardan SEMEK-in müəyyən etdiyi 47 tetrilik tarifdən baha — 57 tetri tələb edirdi. İyulun 30-da isə "SOCAR" şirkəti Qızılhacılıda “Mamed Gas”ın lisenziyasının ləğv olunduğunu rəsmi olaraq açıqladı.

 

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.