Rustavidə torpaq qiymətləri 50% artıb — Mənzil tikintisi üçün torpaq sahələri artıq defisitə çevrilir: Daha harada bahalaşma gözlənilir?

"Son 2 il ərzində Rustavidə torpaq sahələrinin qiyməti praktiki olaraq 50% artıb", — bu barədə "Businesspressnews"a daşınmaz əmlak bazarındakı meyllərdən danışarkən "Broker.ge"nin təsisçisi İlya İnaşvili bildirib.

O, həmçinin əlavə edib ki, Rustavinin mərkəzində çoxmərtəbəli yaşayış binalarının tikintisi üçün nəzərdə tutulan torpaq sahələri defisitə çevrilir.

"Rustavi inkişafı qaçılmaz olan şəhərlərdən biridir. Bu istiqamətdə çoxlu müxtəlif növ infrastruktur layihələri elan olunub.

Son iki il ərzində Rustavidə torpaq sahələrinin qiymətində artım meylini müşahidə edirik. Həm yaşayış binaları və kommersiya obyekti, həm də fərdi ev tikintisi üçün nəzərdə tutulan torpaqlara tələbat artır. Bu dövrdə qiymətlər radikal şəkildə dəyişib və hətta 50%-lik artımdan da danışmaq olar.

Hesab edirəm ki, növbəti 2-3 il ərzində bu meyl saxlanılacaq. Torpaq sahələrinin nə dərəcədə defisit olacağını demək çətindir, çünki şəhərin genişlənmək və böyümək üçün kifayət qədər böyük potensialı var.

Tbilisidən fərqli olaraq, relies əsasən hamardır və dağlıq deyil, buna görə də düşünürəm ki, Rustavi bu istiqamətdə mütləq inkişaf edəcək. Müvafiq olaraq, yaxın 10 il ərzində torpaq sahələrinin qıtlığı gözlənilmir.

İstisna mərkəzi məhəllələrdir ki, burada developerlik (tikinti sektoru) o qədər sürətlə inkişaf edir ki, mənzil tikintisi üçün torpaq sahələri artıq defisitə çevrilib. Müəyyən müddətdən sonra, ehtimal ki, burada resurslar tükənəcək və tikintilər, çox güman ki, periferiyalara (ətraf ərazilərə) keçəcək", — deyə İlya İnaşvili bildirib.

O, həmçinin qeyd edib ki, bu baxımdan Kutaisi və Telavidə də böyük perspektivlər var.

"Digər regionlardan Kutaisi və Telavini də fərqləndirərdim. Batuminin, təbii ki, nəhəng potensialı var və öz sözünü deyəcək. Lakin torpaq sahələri baxımından həm Kutaisinin, həm də Telavinin kifayət qədər böyük perspektivləri mövcuddur. Mənim qiymətləndirməmə görə, növbəti 5-10 il ərzində bu iki şəhərdə qiymətlərin neçə sürətlə artacağını görəcəyik", — deyə İlya İnaşvili "Businesspressnews"a müsahibəsində bildirib.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---