NATO-nun son sammitinin başa çatmasından bir aydan çox vaxt keçdikdən sonra bəlli olub ki, ABŞ Prezidenti Donald Tramp sammitə ev sahibliyi edən Türkiyənin paytaxtı Ankaranı gizlicə, başqa təyyarə ilə tərk edib. Səbəb İrandan gözlənilən təhlükə olub.

Təyyarənin dəyişdirilməsi faktını Donald Tramp özü də təsdiqləyib.

İyulun 8-də NATO sammiti başa çatdıqdan sonra televiziya kameraları Trampın ABŞ Prezidentinin təyyarəsinin (Air Force One) bortuna qalxmasını lentə alıb.

Avqustun 11-də əvvəlcə Amerikanın "Washington Post" nəşri, daha sonra isə CNN və CBS News daxil olmaqla digər media vasitələri məlumatlı mənbələrə istinadən yazıblar ki, Tramp Prezident təyyarəsində çox qalmayıb və Ankaradan uçmazdan əvvəl bort qida məhsullarını daşıyan qaldırıcı furqonla məxfi şəkildə C-32A hərbi təyyarəsinə keçirilib. Bu təyyarədən, bir qayda olaraq, Birləşmiş Ştatların vitse-prezidenti istifadə edir.

Amerikan media vasitələrinin mənbələrinə görə, Trampın təyyarəsi İrandan Prezidentə qarşı ehtimal olunan hücum səbəbindən dəyişdirilib.

Avqustun 11-də Donald Tramp jurnalistlərə bildirib ki, Məxfi Xidmətin və hərbçilərin məsləhətinə əməl edib, çünki onlar onun başqa təyyarə ilə uçmasını istəyiblər. ABŞ Prezidenti Ankaranı İrana zərbələrin bərpasının ikinci günü tərk edib.

Prezident təyyarəsində (Air Force One) olan jurnalistlər və Ağ Ev əməkdaşlarının bir hissəsi Donald Trampın bortda olmadığından xəbərsiz idilər.

Amerika nümayəndə heyətinin təyyarələri yolda Böyük Britaniyada eniş edib və burada Donald Tramp yenidən Prezident təyyarəsinə qayıdıb.

Mənbə: radiotavisupleba.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---