Paytaxt meriyası Tbilisi Rustaveli prospektinin bərpasını həyata keçirən podratçı "Smart Solutions" MMC-ni dörd dəfə cərimələyib. Səbəb müqavilə şərtlərinin pozulmasıdır.

Cərimələnmə ilə bağlı hər dörd sənəddə "İşlər 24 saatlıq rejimdə aparılmayıb" yazılıb.

Tbilisi Meriyası "Smart Solutions" MMC ilə üç müqavilə bağlayıb — xidmətin ümumi dəyəri 20 milyon lariyə yaxındır. Dövlət Satınalmaları Agentliyinin saytında dərc olunan məlumata görə, podratçı aşağıdakı tarixlərdə cərimələnib:

24 iyul: 23 iyul 2026-cı il tarixli (saat 12:27) təftiş aktından bəlli olur ki, M. Kostava küçəsi və Ş. Rustaveli prospektində (T. Çovelidze küçəsindən "Merani" ticarət mərkəzinədək) işlər 24 saatlıq rejimdə aparılmayıb;

29 iyul: 29 iyul 2026-cı il tarixli (saat 06:34) təftiş aktından bəlli olur ki, M. Kostava küçəsi və Ş. Rustaveli prospektində (T. Çovelidze küçəsindən "Merani" ticarət mərkəzinədək) işlər 24 saatlıq rejimdə aparılmayıb;

29 iyul: 29 iyul tarixli (saat 06:41) təftiş aktından bəlli olur ki, Ş. Rustaveli prospektində ("Merani" ticarət mərkəzindən Besiki küçəsinədək) işlər 24 saatlıq rejimdə aparılmayıb;

10 avqust: 7 avqust tarixli (saat 19:58) təftiş aktından bəlli olur ki, Ş. Rustaveli prospektində (Besiki küçəsindən Azadlıq meydanınadək) işlər 24 saatlıq rejimdə aparılmayıb.

Şirkət hər bir halda müqavilə dəyərinin 0,02%-i miqdarında cərimələnib ki, bu da cəmi 5000 lariyə yaxındır.

Prospektin bərpası son bir neçə yıldır planlaşdırılırdı — infrastruktur köhnəlib. Bərpa işləri iyulun 23-ü saat 00:00-da başlayıb, avtomobillərin hərəkəti tam qadağan edilib.

Tbilisi meri bərpa işlərinin başa çatması tarixi kimi 2026-cı ilin noyabr ayının sonunu göstərib. Kaxa Kaladze hələ 2023-cü ilin noyabrında bildirmişdi ki, Rustaveli prospektindəki işlər 2024-cü ildən başlayacaq və iki ildən çox davam edəcək. Son olaraq işlər 2025-ci ilə planlaşdırılsa da, martın 24-də Kaladze layihənin 2026-cı ilə təxirə salındığını demişdi.

Mənbə: radiotavisupleba.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---