Gürcüstanda sürücülük hüququ balları harada və neçə sürücü üçün sıfırlanıb?
2025-ci ildə Gürcüstanda 560 sürücünün sürücülük vəsiqəsinə təyin edilmiş 100 balı tamamilə tükanib ki, bu da 2024-cü ilin göstəricisi ilə müqayisədə 200% çoxdur. Həmin vaxt 186 nəfərin sürücülük vəsiqəsi balları sıfırlanmışdı.

2026-cı ilə gəldikdə, DİN-in dərc etdiyi və hələlik yalnız yanvar-mart dövrünü əhatə edən son statistikaya əsasən, 165 091 şəxsin sürücülük vəsiqəsi balları azaldılıb, bunlardan yalnız 31 nəfərin balı tamamilə sıfırlanıb.

Məlumat üçün bildirək ki, Gürcüstanda sürücülük vəsiqəsinə hər ilin 1 yanvar tarixində 100 bal təyin olunur. Sürücünün balları polis tərəfindən qeydə alınan müxtəlif hüquqpozmalara görə fərdi miqdarda azaldılır. Məsələn, sürət həddinin aşılması, ön oturacaqdakı sərnişinin təhlükəsizlik kəmərini taxmaması, sükan arxasında telefonla danışılması və s. hallarda ballar çıxılır.

Ballar sıfıra çatdıqda sürücünün nəqliyyat vasitəsini idarə etməsi qadağan edilir. Sürücülük hüququnu bərpa etmək üçün isə praktiki və nəzəri imtahanları yenidən vermək mütləqdir.

Statistikaya gəlincə, qeyd etdiyimiz kimi, bu ilin 3 ayı ərzində 165 091 nəfərin balları azaldılıb, yalnız 31 nəfərin balı tamamilə tükanib.

"Businesspressnews" regionlar üzrə sürücülük vəsiqəsi balları azaldılan və tamamilə sıfırlanan şəxslərin sayına dair məlumatları təqdim edir (Məlumat üçün: bu mərhələdə DİN tərəfindən yalnız birinci rübün rəsmi statistikası dərc olunub):

Tbilisi — balı azaldılıb: 49 053; sıfırlanıb: 7

İmereti — balı azaldılıb: 18 398; sıfırlanıb: 3

Kvemo Kartli — balı azaldılıb: 18 176; sıfırlanıb: 6

Acarıstan — balı azaldılıb: 15 497; sıfırlanıb: 4

Sameqrelo-Zemo Svaneti — balı azaldılıb: 13 389; sıfırlanıb: 1

Kaxeti — balı azaldılıb: 13 360; sıfırlanıb: 2

Şida Kartli — balı azaldılıb: 8 635; sıfırlanıb: 3

Samtsxe-Cavaxeti — balı azaldılıb: 4 950; sıfırlanıb: 0

Quriya — balı azaldılıb: 4 587; sıfırlanıb: 0

Mtsxeta-Mtianeti — balı azaldılıb: 3 198; sıfırlanıb: 1

Abxaziya — balı azaldılıb: 845; sıfırlanıb: 0

Raça-Leçxumi və Kvemo Svaneti — balı azaldılıb: 681; sıfırlanıb: 0

Digər — balı azaldılıb: 14 322; sıfırlanıb: 4

Xatırladaq ki, Gürcüstan hökuməti 2026–2030-cu illər üzrə Milli Yol Təhlükəsizliyi Strategiyasını və 2026–2027-ci illər üzrə Fəaliyyət Planını təsdiqləyib. Strategiyanın əsas istiqamətlərindən biri yollarda sürət həddinin aşılması hallarının azaldılmasıdır. Strategiyanın maddələrindən birinə əsasən, hökumət videokameralar tərəfindən qeydə alınan sürət həddinin aşılması hallarda sürücülərin bal sisteminin azaldılması mexanizmini tətbiq etməyi planlaşdırır.

Mənbə: BusinessMedia

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---