Rusiya Gömrük Xidmətinin məlumatına görə, Gürcüstanla sərhəddə yerləşən Yuxarı Lars keçid məntəqəsində rekord sərnişin axını qeydə alınıb. Bu məlumata Gürcüstanın Daxili İşlər Nazirliyi də cavab verib.

Rusiya dövlət qurumunun avqustun 18-də dərc etdiyi məlumatlara əsasən, sərhədi bir gün ərzində 20 mindən çox insan keçib.

"Turist axınının yüksək intensivliyi minik nəqliyyatının da rekord sayı ilə müşayiət olunur", – bəyanatda qeyd olunur.

Rusiya tərəfinin məlumatına görə, gömrük və sərhəd xidmətləri avtomobillərin maneəsiz keçidini təmin etmək üçün hər şeyi edir. Qurumun bildirdiyinə görə, "analoji dinamika" artıq bir neçə gündür ki, qorunub saxlanılır – avqustun 15-i və 16-da keçid məntəqəsindən sutka ərzində 19 mindən çox insan istifadə edib.

Rusiya Gömrük Xidməti iddia edir ki, bu göstərici "ötən illərin eyni dövrünün məlumatlarını əhəmiyyətli dərəcədə üstələyir".

Qurum sərnişinləri Gürcüstana və ya Gürcüstandan səfərlərini planlaşdırarkən bu vəziyyəti nəzərə almağa çağırır.

"Kəlakətli göstərici"

"Aydın və normal yoxlama şəraitində 20 min insanın – istər avtomobillərlə, istərsə də təkbaşına – sərhədi keçməsi inandırıcı deyil. 20 000 nəfər olduqda, dəqiqədə 13 insanın yoxlanılması deməkdir. Yəni belə çıxır ki, bir nəfərin sənədlərinin və pasportunun yoxlanılmasına orta hesabla 4 saniyə vaxt sərf olunur?!" – "Vahid Milli Hərəkat"ın Siyasi Şurasının üzvü Xatiya Dekanoidze Rusiya qurumunun və mediada yayılan xəbərlərə belə cavab verib.

"Əgər bu həqiqətdirsə, mənim üçün bu, fəlakətli göstəricidir və yoxlamanın səthi aparıldığını göstərir", – deyə müxalifətçi siyasətçi sosial şəbəkədə yazır.

Gürcüstan DİN-in izahı

Gürcüstan Daxili İşlər Nazirliyinin bəyanatına görə, Gürcüstan sərhədini Guya Rusiyadan 20 000 nəfərin keçməsi barədə məlumat "həqiqətə uyğun deyil və ayrı-ayrı maraqlı şəxslər tərəfindən məqsədyönlü şəkildə dezinformasiya yayılmasına xidmət edir".

Qurumun son 24 saatlıq (avqustun 18-i saat 09:00-dan avqustun 19-u saat 09:00-dək) məlumatlarına əsasən:

Gürcüstan sərhədini Rusiya tərəfindən müxtəlif ölkələrin 7 880 vətəndaşı keçib;

Analoji dövrdə Lars keçid məntəqəsindən ölkəni müxtəlif ölkələrin 8 406 vətəndaşı tərk edib.

Bu məlumatlara görə, hər iki istiqamətdə Gürcüstan–Rusiya sərhədini 24 saat ərzində cəmi 16 286 nəfər keçib. Rusiya və Gürcüstan dövlət qurumlarının məlumatları arasındakı fərq 4 000 nəfərə yaxındır.

Rusiya Gömrük Xidməti ilə Gürcüstanın statistika aparma metodologiyasının üst-üstə düşüb-düşmədiyi məlum deyil. Rusiya qurumunun məlumatında rekord göstəricinin qeydə alındığı 24 saatlıq müddətin konkret olaraq hansı dövrü əhatə etdiyi göstərilməyib.

"Bütün maraqlı şəxsləri dəqiqləşdirilməmiş məlumatları yaymaqdan, həmçinin müxtəlif məlumatları yanlış təfsir etməkdən və təhrif olunmuş formada yaymaqdan çəkinməyə çağırırıq", – DİN-in bəyanatında deyilir.

Səfərbərlik gözləntisi?

Lars keçid məntəqəsində, Rusiya və Gürcüstan sərhədindəki növbələr barədə məlumatlar sosial şəbəkələrdə də yayılır.

Versiyalardan birinə görə, sərnişin axınının artması Rusiyada ehtimal olunan hərbi səfərbərlik gözləntisi ilə bağlı ola bilər.

Gürcüstan–Rusiya sərhədində rəsmi olaraq yalnız bir keçid məntəqəsi fəaliyyət göstərir (Rusiya tərəfində – Yuxarı Lars, Gürcüstan tərəfində sərhəd məntəqəsinin adı "Dariali", gömrük məntəqəsinin adı isə "Qazbegi"dir). Bu məntəqədən həm Gürcüstan, Rusiya və Ermənistan vətəndaşları, həm də beynəlxalq tranzit daşımalarında iştirak edən yük avtomobilləri edir.

Rusiya–Gürcüstan sərhədində uzun növbələr 2022-ci ilin sentyabr ayının sonunda, Rusiyada hərbi səfərbərlik elan edildikdən sonra da müşahid olunmuşdu. Gürcüstan DİN-in o zaman yaydığı statistikaya görə, sərhəddə hər iki istiqamətdə sərnişin axını gündə 15–16 min nəfər təşkil edirdi.

Mənbə: radiotavisupleba.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---