"Gürcü Arzusu"nun lideri və Regional İnkişaf naziri Mamuka Mdinaradze həbsxanadan onun barəsində ittihamlar səsləndirən keçmiş komanda yoldaşı, keçmiş Baş nazir İrakli Qaribaşviliyə cavab verib. Onun sözlərinə görə, keçmiş Baş nazir "ziddiyyətli bəyanatlar verir".

"Məqsədlərdən danışmayacağam, bundan çəkinəcəyəm. Həbsdə olan adamdır və düşünürəm ki, mənim mövqeyimdə olan biri üçün hansısa hücuma keçmək tamamilə doğru olmazdı. Lakin tam səmimiyyətlə

bir şeyi deyə bilərəm ki, şəxsən mən və hakimiyyətin digər nümayəndələri korrupsiyaya karşı belə güzəştsiz mübarizə apardıqda, oxşar ittihamların, bəlkə də daha pislərinin olacağına hazır idik, var və olacaq da. Əgər hakimiyyət nümayəndəsi kimi buna hazır deyilsənsə, o zaman nə korrupsiyaya müharibə elan edə, nə iş görə, nə də öz növbəsində çevik menecmenti təmin edə bilərsən", – deyə Mamuka Mdinaradze bildirib.

Dünən, avqustun 18-də İrakli Qaribaşvilinin bəyanatı yayılıb. O, bir gün əvvəl də bu barədə danışaraq bildirmişdi ki, "bu məktub mənə Bidzina İvanişvilinin tapşırığı ilə göndərilib":

"Mənim üçün gözlənilmədən, iyul ayında dünən yaydığım məktubu aldım. Həmin məktubu mənə Mamuka Mdinaradze göndərmişdi". Həmin məktubda yeni korrupsiya cinayətinin etiraf edilməsindən bəhs olunur:

"Onlar cavab olaraq bildirdilər ki, mənim siyasətə qayıtmağımın hələ də 1%-lik riski qalır və buna görə də mənə korrupsiya ittihamının irəli sürülməsi və mənim bunu etiraf etməyim mütləq idi".

Avqustun 17-də dərc olunmuş məktubun əsas mesajları

Keçmiş Baş nazir, hazırda həbsdə olan İrakli Qaribaşvili "Facebook"da yazıb ki, "bu gündən etibarən onun və ailəsinin təhlükəsizliyinə görə tam məsuliyyət Bidzina İvanişvili və bütün hakimiyyətin üzərinə düşür".

Qaribaşvili iddia edir ki, "Gürcü Arzusu"nun fəxri sədri Bidzina İvanişvilinin tapşırığı ilə ona məktub göndərilib və mənşəyi məlum olmayan korrupsiya işi üzrə etirafedici ifadə vermək təklif olunub.

"Azadlığa çıxdıqdan sonra siyasətə yaxınlaşmamalısan", – Qaribaşvilinin bəyanatına əlavə edilmiş məktubun fotosunda yazılıb. Məktubda qeyd olunanlara əsasən, etiraf edəcəyi təqdirdə ona kəsilmiş 5 illik həbs müddəti artırılmayacaq.

Qaribaşvili təklif olunan şərti onun və ailəsinin "məhv edilməsi üzrə çirkli plan" kimi qiymətləndirir və ictimaiyyətə söz verib ki, avqustun 18-də insanlara "həqiqəti" təqdim edəcək.

İrakli Kobaxidzenin cavabı

İrakli Qaribaşvilini Baş nazir vəzifəsində əvəz edən İrakli Kobaxidze avqustun 17-də dərc olunan məktubla bağlı deyib: "Mən bu bəyanatı gördüm, söhbətin nədən gitdiyini bilmirəm. Bildiyim bir şey var ki, konkret hökm çıxarılıb, qalanı isə tamamilə hüquq-mühafizə orqanlarının işidir".

İrakli Kobaxidze İrakli Qaribaşvilinin hansı məktubdan bəhs etdiyini bilmədiyini bildirib. O, həmçinin qeyd edib ki, keçmiş Baş nazir tərəfindən yayılan məktubla bağlı Bidzina İvanişvili ilə danışmayıb.

Mənbə: radiotavisupleba.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---