Oktyabrın 3-də Vani, Tsalka, Dmanisi və Axmeta bələdiyyələrində saqrebulo (bələdiyyə məclisi) aralıq seçkiləri keçirilir. MSK-nın bugünkü, avqustun 19-da təşkil olunan iclasında bəlli olub ki, seçkilərdə yalnız iki partiya iştirak edəcək:

9 – "Güclü Gürcüstan - Lelo";

41 – "Gürcü Arzusu".

Onlar namizədlərini sentyabrın 3-dək təqdim etməlidirlər.

"2025-ci ildə Tsalka dairəsində bizim majoritar namizədimiz 30% səs toplayıb. İndi seçkilər keçirildikdə və sən iştirak etmədikdə, bu o deməkdir ki, həmin 30%-ə arxa çevirmisən. Bizim buna haqqımız yoxdur – keçmişimiz də, gələcəyimiz də bizə borc qoyur ki, seçicimizi tək qoymayaq və iştirak edək", – deyə "Lelo - Güclü Gürcüstan"ın liderlərindən biri və eyni zamanda MSK üzvü olan Mamuka Katsitadze "Azadlıq Radiosu"na bildirib.

Bu seçkilərdə 2024-cü il parlament seçkilərində ən yaxşı nəticələr göstərmiş müxalifət partiyaları iştirak etmirlər:

"Dəyişiklik üçün Koalisiya";

"Milli Hərəkat";

"Qaxariya Gürcüstan üçün";

"Qirçi".

2025-ci il yerli özünüidarəetmə seçkilərində dörd böyük müxalifət partiyasından ikisi ("Milli Hərəkat" və "Dəyişiklik üçün Koalisiya") boykot elan etmişdi və 64 bələdiyyənin hamısında mer vəzifəsinə "Gürcü Arzusu"nun namizədləri seçilmişdi. Saqrebulonun majoritar dairələrində isə müxalifət yalnız iki dairədə qalib gəlmişdi: bunlardan birini Martvilidə bitərəf siyasətçi, Tsageridə isə "Lelo"nun nümayəndəsi qazanmışdı.

Boykotun səbəbi

Dörd iri müxalifət birliyi (4, 5, 9 və 25 saylı seçki nömrələri ilə) 2024-cü il parlament seçkilərini saxtalaşdırılmış hesab edirdi. Həmin seçkilərin rəsmi nəticələrinə əsasən, parlamentdə əksəriyyəti (89 mandat) "Gürcü Arzusu" qoruyub saxlamışdı.

Mənbə: radiotavisupleba.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---