Hərbi xidmətə çağırış bildirişi saytda dərc olunduğu gündən 7-ci gün təhvil verilmiş sayılacaq — Hökumət hərbi qeydiyyatın və çağırışçıların milli hərbi xidmətinin təşkili qaydasında dəyişiklikləri təsdiq edib.

Mühüm yeniliklərdən biri məhz hərbi mükəlləfiyyəti olan şəxslərin çağırılması haqqında bildirişin təhvil verilməsi qaydasına aiddir.

Yeni qaydaya əsasən, çağırışçıya bildirişin və ya çağırış vərəqəsinin təhvil verilməsi mümkün olmadıqda — o cümlədən, qısa mesaj (SMS) və ya elektron poçtla göndərilən bildirişə iki iş günü ərzində cavab verilmədikdə — Agentlik çağırış vərəqəsini rəsmi internet səhifəsində açıq şəkildə dərc edə bilər.

Çağırış bildirişi dərc edildiyi gündən yeddinci təqvim günü təhvil verilmiş hesab olunur. Bundan sonra şəxsə hərbi qeydiyyata alınmaq məqsədilə Agentliyin müvafiq struktur bölməsinə gəlmək üçün 10 təqvim günü vaxt verilir.

Eyni qayda çağırışçıların milli hərbi xidmətinə çağırılması məqsədilə edilən müraciətlərə də şamil olunur. Bildirişin şəxsən və ya texniki/rabitə vasitəsilə təhvil verilməsi mümkün olmadıqda, çağırış vərəqəsi Agentliyin rəsmi internet səhifəsində dərc olunur və dərc edildikdən sonra yeddinci gün təhvil verilmiş sayılır. Bu halda da şəxsin Agentliyə gəlməsi üçün dərc edildiyi gündən etibarən 10 təqvim günü müddəti var.

Dəyişikliklərlə həmçinin müəyyən edilib ki, Agentlik çağırışçını çağırarkən onun ünsiyyət və rabitə əlaqələri haqqında ərizəsində qeyd etdiyi məlumatları rəhbər tutur.

Bundan əlavə, bildirişi çağırışçının ailəsinin həddi-büluğa çatmış (yetkin) üzvü təhvil aldıqda və ya onu qəbul etməkdən imtina etdikdə də bildiriş təhvil verilmiş sayılacaq. İmtina edildiyi halda, bildirişin üzərində müvafiq qeyd aparılır və o, Agentliyə qaytarılır.

Bununla yanaşı, qərara əsasən, bildirişin və ya çağırış vərəqəsinin təhvil verilməsi yalnız qeydiyyat və faktiki yaşayış yeri üzrə deyil, həm də iş yeri və ya Agentliyə məlum olan istənilən başqa ünvan üzrə mümkündür.

Dəyişikliklərdə o da dəqiqləşdirilib ki, çağırış haqqında qərar qəbul edildikdən sonra hərbi xidmət keçmək üçün çağırıldıqda gəlməyən şəxslər barəsində Agentlik müvafiq materialları hüquq-mühafizə organlarına təqdim edəcək.

Çağırış komissiyasına gəlmədikdə isə müvafiq inzibati xəta haqqında protokol beş iş günü müddətində tərtib edilir və dərhal məhkəməyə göndərilir.

Gürcüstan Hökumətinin №422 cərimə/qərarı 2026-cı il 31 avqust tarixli hesab olunur və dəyişikliklər "Hərbi qeydiyyatın, çağırışçıların milli hərbi xidmətinin və ehtiyat hərbi xidmətin təşkili qaydası"na daxil edilir.

Mənbə: Publika

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.