Həbsdə olan keçmiş baş nazir İrakli Qaribaşvili həbsxanadan yeni məktub yayımlayıb və onun sözlərinə görə, keçmiş hüquq müdafiəçisi Lazare Corbenadzenin ölüm şəraiti ilə bağlı suallar qaldırıb.

Həbsxanadan yayılan növbəti məktubunda Qaribaşvili yazıb ki, fevralın 12-də kamerasına Dito Çubinitsenin "Asaval-Dasavali" qəzetində dərc olunmuş, Kobaxidzenin tənqid edildiyi məqaləsini gətiriblər və "sözügedən məqalənin arxasında onun durub-durmadığı" ilə bağlı irad bildiriblər.

Qaribaşvili yazıb ki, Lazare Corbenadze bu məqalənin respondent olub və daha sonra intihar edib.

Qaribaşvilinin sözlərinə görə, ona bəlli olub ki, "Asaval-Dasavali" qəzetinin özü Corbenadzenin intihar versiyasını şübhə altına alırdı və yazıb ki, Lazare Corbenadzenin ölümünün real səbəbi aydınlaşdırılmalıdır.

Qaribaşvilinin məktubunu tam şəkildə dərc edirik:

"Düşünürəm ki, cəmiyyət mənim tərəfimdən dərc olunmuş məktubun həqiqi olduğuna və orada göstərilən faktların doğruluğuna artıq əmin oldu. Mamuka Mdinaradze bu işdə o qədər ağır və kobud səhvlərə yol verdi ki, bu, yalnız onun vəzifədən azad edilməsinə deyil, həm də siyasətdən getməsinə səbəb oldu.
Lakin cəmiyyətə öz mövqeyimi bildirmək istəyirəm: Mdinaradzenin siyasətdən uzaqlaşdırılması onun və İrakli Kobaxidzenin şərikliyi ilə ölkəyə, insanlara və 'Gürcü Arzusu'na vurulmuş çox ağır və bərpaolunmaz zərəri silə bilməz.

Cəmiyyət üçün bir daha aydınlaşdırıram ki, mənə göndərilən məktubun jurnalist Dito Çubinitse, İrma İnaşvili və onların fəaliyyəti səbəbindən yaranan qavrayış və şübhələrin qeyd olunduğu birinçi bəndində nə nəzərdə tutulurdu. Bu məsələ ilə bağlı xanım İrma İnaşvili özü bəyan etdi ki, mənim onların siyasi və ya jurnalist fəaliyyəti ilə heç bir əlaqəm olmayıb və yoxdur.

Əgər bir neçə gün əvvəl tamamilə təsadüfən dəhşətli bir faktı öyrənməsəydim, bəlkə də jurnalist Dito Çubinitsenin məqalələri haqqında ümumiyyətlə heç nə deməzdim. Məhz buna görə də cəmiyyətlə hakimiyyətin mənə göndərdiyi məktubla və cari ilin fevralında baş vermiş faktla birbaşa bağlı olan əlavə məlumatı bölüşmək qərarına gəldim.

Fevralın 12-də Kobaxidze və Mdinaradzenin tapşırığı ilə mənə "Asaval-Dasavali" qəzetinin 2026-cı il 2 fevral tarixli məqaləsini gətirdilər. Həmin məqalədə jurnalist Dito Çubinitse keçmiş hüquq müdafiəçisi Lazare Corbenadzedən müsahibə alır. Məqalə əsasən Kobaxidzenin tənqidinə və ona qarşı irəli sürülən ağır ittihamlara həsr olunmuşdu.

Mənə iddialı bir mesaj çatdırdılar ki, burada tamamilə yalan qavrayışa əsaslanan şübhə ifadə olunurdu — sözügedən məqalənin arxasında mən durmurdum ki? Başqa detalları qəsdən yazmıram, lakin əsas ittiham və irad məhz o idi ki, bu cür tənqidi məqalələrin arxasında mənim izimi görürdülər.

Mənim reaksiyam, təbii ki, son dərəcə mənfi oldu və onlara çatdırdım ki, oxşar suallar və iddialarla yanıma bir daha gəlməsinlər, belə sifarişli məqalələr mənim xəttim deyil və məhz onlar üçün xarakterikdir.

Sonradan bu tənqidi ittihamlar tez-tez "Obieqtivi" telekanalının efirində də təkrarlanırdı. İndi artıq mənim üçün mənzərə aydındır və bütün məsələlərə cavab verilib ki, nə üçün məktubun birinci bəndində "Dito Çubinitse və İrma İnaşvili kimi tərəfdarların" ciddi şübhələr yaratdığı və Kobaxidze-Mdinaradze komandasının maraqlarına böyük zərər vurduğu yazılmışdı.

Əgər tamamilə təsadüfən Dito Çubinitsenin sözügedən məqaləsinin respondentinin məqalə dərc olunduqdan bir qədər sonra intihar etdiyini öyrənməsəydim, yəqin ki, bütün bu əhvalatı ictimaiyyətə danışmağa dəyməzdi…

Həmçinin mənə bəlli oldu ki, vəfat etmiş hüquq müdafiəçisi Lazare Corbenadzenin intiharı ilə bağlı "Asaval-Dasavali" qəzetinin özü açıq şəkildə suallar qaldırır və onun intihar versiyasını şübhə altına alırdı.

Aşağıdakı suala cavab verilməlidir: Hüquq müdafiəçisi Lazare Corbenadzenin ölümünün real səbəbi nə idi?

Bu sualı açıq şəkildə qaldırıram, çünki Kobaxidze-Mdinaradze hakimiyyəti dövründə baş vermiş bir çox insanın intihar faktı ilə bağlı cəmiyyətdə bu günə qədər cavabsız suallar qalmaqdadır..."

Mənbə: Publika

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.